Video
Read full review
2023-10-15
1455 views
之前大圍小館得walk-in 排隊，宜家就開放左預約，想試嘅話記得提早book左枱先。佢同坊間嘅茶樓唔同，主打失傳同懷舊菜，所以可以選擇嘅點心種類唔多，但每道菜都可以感受到師傅嘅技藝。每張枱都會送上佢地自家製嘅辣椒油同辣椒醬，非常惹味，鍾意食辣嘅可以試試。我地兩個人點左6道菜，份量都幾多，好彩最後食得曬。要留意嘅係呢度嘅菜式好快就售罄，建議第一輪就點曬想食嘅菜先。今次比較可惜嘅係想試嘅酸薑皮蛋酥已經賣曬。先介紹餐廳招牌菜第一叉。厚切嘅叉燒色澤鮮艷亮麗，選用上梅頭肉，肥瘦勻稱，以特製麥芽糖燒製。咬落去充滿油脂嘅香味同肉味，麥芽糖醬嘅味道有幾種層次，唔係單一嘅甜味。糯米雞有蛋黃香，外皮酥黃香脆，冬菇同糯米香味濃郁。店員會幫手剪開沙翁，上面有滿滿糖霜，如果怕太甜，建議整走少少糖霜先食。沙翁有好重蛋香味，內層鬆軟，就算我地擺左一陣先食，表面仲保留到酥脆嘅口感。我係第一次食灌湯餃，店員提醒我地將灌湯餃放喺碗嘅時候要小心唔好整穿餃子皮。餃子皮非常薄，入面用嘅餡料都幾用心，有瑤柱、帶子、蝦、花菇同金華火腿，湯汁鮮美。蝦餃就比較普通，蝦餃皮稍稍蒸過火，蝦肉餡有比較重嘅胡椒味，遮蓋左蝦肉本身嘅鮮味。我地
佢同坊間嘅茶樓唔同，主打失傳同懷舊菜，所以可以選擇嘅點心種類唔多，但每道菜都可以感受到師傅嘅技藝。
每張枱都會送上佢地自家製嘅辣椒油同辣椒醬，非常惹味，鍾意食辣嘅可以試試。
我地兩個人點左6道菜，份量都幾多，好彩最後食得曬。要留意嘅係呢度嘅菜式好快就售罄，建議第一輪就點曬想食嘅菜先。今次比較可惜嘅係想試嘅酸薑皮蛋酥已經賣曬。
第一叉
59 views
0 likes
0 comments
先介紹餐廳招牌菜第一叉。厚切嘅叉燒色澤鮮艷亮麗，選用上梅頭肉，肥瘦勻稱，以特製麥芽糖燒製。咬落去充滿油脂嘅香味同肉味，麥芽糖醬嘅味道有幾種層次，唔係單一嘅甜味。
糯米雞有蛋黃香，外皮酥黃香脆，冬菇同糯米香味濃郁。
沙翁
51 views
0 likes
0 comments
店員會幫手剪開沙翁，上面有滿滿糖霜，如果怕太甜，建議整走少少糖霜先食。沙翁有好重蛋香味，內層鬆軟，就算我地擺左一陣先食，表面仲保留到酥脆嘅口感。
灌湯餃
42 views
0 likes
0 comments
我係第一次食灌湯餃，店員提醒我地將灌湯餃放喺碗嘅時候要小心唔好整穿餃子皮。餃子皮非常薄，入面用嘅餡料都幾用心，有瑤柱、帶子、蝦、花菇同金華火腿，湯汁鮮美。
鮮荀蝦餃
55 views
0 likes
0 comments
蝦餃就比較普通，蝦餃皮稍稍蒸過火，蝦肉餡有比較重嘅胡椒味，遮蓋左蝦肉本身嘅鮮味。
宮廷荷花酥
125 views
0 likes
0 comments
我地喺menu見到宮廷荷花酥嘅相，覺得幾精緻，所以就諗住試食下。從佢嘅賣相都睇得出呢道菜好考師傅手藝。不過味道實在太甜，唔太啱我口味。
宮廷荷花酥
135 views
0 likes
0 comments
Post
