Video
Read full review
2024-03-23
1018 views
最近同老公成日會去大圍，因為大圍有得夾公仔，所以都會搵吓附近有咩好食，喺大圍後邊有好多小店，所以去咗一間有情調嘅西餐廳，佢嘅氛圍同裝潢都俾人感覺係花咗啲心思。佢哋有二人套餐，都好多嘢食，我哋兩個都食到好飽。首先，我揀咗小食——白酒忌廉青口。新鮮嘅青口配上濃郁嘅白酒忌廉醬汁，帶出嚟嘅味道相當和諧。青口嘅口感鮮嫩，而醬汁嘅奶香同酒香都好恰到好處，我老公都覺得個忌廉汁好香濃，佢好鍾意。評分：👍🏻👍🏻👍🏻👍🏻/5然後，我哋頭盤嘅選擇係Pama ham 同埋 salad。頭盤帶嚟嘅是一種豪華而又清新嘅感覺。精選嘅pama ham同清甜嘅蜜瓜配合得天衣無縫， Parma Ham又唔會好鹹蜜瓜甜得來又唔會好「漏」🤣🤣🤣；評分：👍🏻👍🏻👍🏻/5而凱撒沙律嘅沙律菜好新鮮，又爽脆，食嘅時候，好清甜。評分：👍🏻👍🏻👍🏻/5蟹肉龍蝦湯，食得出有蟹肉，而且好香龍蝦味，又唔會太鹹，份量唔太多，剛好評分：👍🏻👍🏻👍🏻/5然後就到主菜啦！我地揀咗凡立貝蕃茄意粉同威靈頓牛柳。凡立貝蕃茄意粉係一道經典嘅義大利菜式，佢味道鮮美而且豐富。蕃茄醬汁濃郁而不膩，意粉煮得恰到好處，加上鮮嫩多汁嘅凡立貝，每一口都充滿著滿足感。評分：
佢哋有二人套餐，都好多嘢食，我哋兩個都食到好飽。
首先，我揀咗小食——白酒忌廉青口。新鮮嘅青口配上濃郁嘅白酒忌廉醬汁，帶出嚟嘅味道相當和諧。青口嘅口感鮮嫩，而醬汁嘅奶香同酒香都好恰到好處，我老公都覺得個忌廉汁好香濃，佢好鍾意。
評分：👍🏻👍🏻👍🏻👍🏻/5
然後，我哋頭盤嘅選擇係Pama ham 同埋 salad。頭盤帶嚟嘅是一種豪華而又清新嘅感覺。精選嘅pama ham同清甜嘅蜜瓜配合得天衣無縫， Parma Ham又唔會好鹹蜜瓜甜得來又唔會好「漏」🤣🤣🤣；
評分：👍🏻👍🏻👍🏻/5
而凱撒沙律嘅沙律菜好新鮮，又爽脆，食嘅時候，好清甜。
評分：👍🏻👍🏻👍🏻/5
蟹肉龍蝦湯，食得出有蟹肉，而且好香龍蝦味，又唔會太鹹，份量唔太多，剛好
評分：👍🏻👍🏻👍🏻/5
然後就到主菜啦！我地揀咗凡立貝蕃茄意粉同威靈頓牛柳。凡立貝蕃茄意粉係一道經典嘅義大利菜式，佢味道鮮美而且豐富。蕃茄醬汁濃郁而不膩，意粉煮得恰到好處，加上鮮嫩多汁嘅凡立貝，每一口都充滿著滿足感。
評分：👍🏻👍🏻👍🏻👍🏻/5
而威靈頓牛柳係呢個套餐嘅亮點，牛肉外層烤得金黃酥脆，內部卻保持著嫩嫩的口感。配上濃郁嘅醬汁同香氣四溢嘅香草，真係一絕！以前我食過其他餐廳嘅威靈頓牛柳，外面嘅酥皮已經「淋」晒，包住牛柳嗰個蘑菇醬又分開晒，食唔出有幾好食；但係呢度嘅威靈頓牛柳，食嘅時候外層仲係好脆，牛柳部份又唔會煮得過熟，令我對依個菜式改觀。
評分：👍🏻👍🏻👍🏻/5
最後，我決定再嚟一份甜品——加咗$30嘅朱古力心太軟。朱古力心太軟有個酥脆嘅巧克力殼，裏面卻係溫暖融化嘅朱古力心，可以做到真係有流心嘅，每一口都係一種極致嘅甜蜜享受。
評分：👍🏻👍🏻👍🏻/5
整體味道指數：😋😋😋/5
性價比：💰💰💰/5
環境：❤️❤️❤️❤️/5
服務：✅✅✅/5
Post
