Video
Read full review
2023-08-04
394 views
2023年7月26日 星期三今晚同老婆行完大圍圍方之後原本諗住係商場食飯，不過每一間餐廳都好多人排隊，所以唯有出外面睇下有咩食行到積富街發現呢間餐廳應該新開張左無幾耐，睇落去好有日本居酒屋feel，掛滿左紅白燈籠，於是直接入去試下入到去坐低更加感覺好似置身於日本咁，一枱一凳都用左木製造，牆邊擺放左好多日本酒同海報，樓底好高令到餐廳更加空曠一點完餐等左一陣間食物就開始黎到，首先係胡蔴豆腐蕃茄沙律，落咗勁多胡蔴醬，岩晒我哋，配埋菜同蕃茄食落去酸酸甜甜幾開胃，而且豆腐仲好滑溜添之後有活平目魚刺身，師傅真係切得好薄，薄到透明咁，魚肉幾有咬口，唔需要點醬汁都已經夠味，加埋wasabi一齊食味道會更加好呢個係餐廳新增既菜式，西京味噌豬腩，整得好入味，唔會太鹹，而且豬腩肉都好腍，肥膏唔算太多，平時食都係西京銀雪魚，但今次估唔到西京燒同豬腩肉都咁夾跟住有免治雞肉棒，附有新鮮雞蛋撈醬汁，一齊食味道好夾，雞肉棒燒得好香，肉質唔會太韌最後有三文魚籽海老卷，每一舊都包滿左三文魚籽，而裡面既炸海老就脆卜卜，食埋已經勁飽食左咁多野每人大約三百蚊左右，性價比唔錯
今晚同老婆行完大圍圍方之後原本諗住係商場食飯，不過每一間餐廳都好多人排隊，所以唯有出外面睇下有咩食
行到積富街發現呢間餐廳應該新開張左無幾耐，睇落去好有日本居酒屋feel，掛滿左紅白燈籠，於是直接入去試下
入到去坐低更加感覺好似置身於日本咁，一枱一凳都用左木製造，牆邊擺放左好多日本酒同海報，樓底好高令到餐廳更加空曠
一點完餐等左一陣間食物就開始黎到，首先係胡蔴豆腐蕃茄沙律，落咗勁多胡蔴醬，岩晒我哋，配埋菜同蕃茄食落去酸酸甜甜幾開胃，而且豆腐仲好滑溜添
之後有活平目魚刺身，師傅真係切得好薄，薄到透明咁，魚肉幾有咬口，唔需要點醬汁都已經夠味，加埋wasabi一齊食味道會更加好
呢個係餐廳新增既菜式，西京味噌豬腩，整得好入味，唔會太鹹，而且豬腩肉都好腍，肥膏唔算太多，平時食都係西京銀雪魚，但今次估唔到西京燒同豬腩肉都咁夾
跟住有免治雞肉棒，附有新鮮雞蛋撈醬汁，一齊食味道好夾，雞肉棒燒得好香，肉質唔會太韌
最後有三文魚籽海老卷，每一舊都包滿左三文魚籽，而裡面既炸海老就脆卜卜，食埋已經勁飽
食左咁多野每人大約三百蚊左右，性價比唔錯
Post
