泰中意

Open Now

Now Closed

大圍有不少泰式餐廳，但啱啱見到有間新開試業，約咗朋友喺大圍又揀唔到食咩就諗住試吓。十二點幾去到仲未有人，店員仲準備緊，lunch menu都有不同選擇，但唔太啱個人口味，所以朋友揀咗個冬陰公意粉午餐，我就叫咗個炒金邊粉再加一碟馬拉盞炒通菜。點知我叫嗰兩樣野都冇，就轉左海鮮濕炒河+蒜茸炒時菜。雖然唔係自己本身想叫既嘢食，但好有驚喜。超大碟，味道都好好👍🏻 而且唔算多人，我哋坐咗好耐都冇被趕走😆之前出沙田食飯間間都限時趕客🫣然後發現原來係舊店重開，難怪其他客人都好似同店主店員好熟咁。值得再去食。