Video
Read full review
2025-02-05
0 views
2025年1月20日 星期一最近喺圍方五樓見到有新餐廳開張，頭幾日都有好多人排隊黎試，呢日經過唔算太多人等緊，所以即刻去幫襯一下餐廳有提供位置堂食，感覺非常開陽，雖然位置唔算太多，但枱與枱之間都有足夠距離，而且仲可以清楚見到廚房入面嘅位置添餐廳唔算提供太多食物，主要都係疏乎厘同咖啡，另外都有提供輕量三文治同意粉，價錢唔算太貴，$50都唔使就有一份疏乎厘，於是我買咗兩份疏乎厘同兩杯飲品返屋企同屋企人分享返到屋企打開嘅時候食物仲係暖暖地，包裝得好好，完全冇倒瀉食物同飲品首先有呢個士多啤梨疏乎厘，上面除咗有大大粒嘅士多啤梨之外，仲有士多啤梨乾同士多啤梨忌廉芝士糖漿，每一啖都食到濃濃嘅士多啤梨味，甜而不膩，個疏乎厘整得好鬆軟，充滿空氣感另一個就係開心果疏乎厘，上面加左大量開心果碎，而下面就舖左開心果忌廉芝士糖漿，唔算太甜，但真係食到濃烈嘅開心果味，濃濃嘅滿足感最後飲品有熱朱古力，打開嘅時候見到上面仲有個心形圖案，好得意，朱古力暖笠笠，唔算有太多苦澀味，食完疏乎厘再飲就啱啱好另一杯飲品就係飄浮士多啤梨梳打，真係有成粒士多啤梨飄浮喺梳打上面，下面有士多啤梨糖漿，撈埋一齊飲甜甜地幾清新，作為下午茶真
最近喺圍方五樓見到有新餐廳開張，頭幾日都有好多人排隊黎試，呢日經過唔算太多人等緊，所以即刻去幫襯一下
餐廳有提供位置堂食，感覺非常開陽，雖然位置唔算太多，但枱與枱之間都有足夠距離，而且仲可以清楚見到廚房入面嘅位置添
餐廳唔算提供太多食物，主要都係疏乎厘同咖啡，另外都有提供輕量三文治同意粉，價錢唔算太貴，$50都唔使就有一份疏乎厘，於是我買咗兩份疏乎厘同兩杯飲品返屋企同屋企人分享
返到屋企打開嘅時候食物仲係暖暖地，包裝得好好，完全冇倒瀉食物同飲品
首先有呢個士多啤梨疏乎厘，上面除咗有大大粒嘅士多啤梨之外，仲有士多啤梨乾同士多啤梨忌廉芝士糖漿，每一啖都食到濃濃嘅士多啤梨味，甜而不膩，個疏乎厘整得好鬆軟，充滿空氣感
另一個就係開心果疏乎厘，上面加左大量開心果碎，而下面就舖左開心果忌廉芝士糖漿，唔算太甜，但真係食到濃烈嘅開心果味，濃濃嘅滿足感
最後飲品有熱朱古力，打開嘅時候見到上面仲有個心形圖案，好得意，朱古力暖笠笠，唔算有太多苦澀味，食完疏乎厘再飲就啱啱好
另一杯飲品就係飄浮士多啤梨梳打，真係有成粒士多啤梨飄浮喺梳打上面，下面有士多啤梨糖漿，撈埋一齊飲甜甜地幾清新，作為下午茶真係一個唔錯嘅選擇！！
Post
