木子居酒屋

Open Now

Now Closed

前排去大圍探朋友，佢帶咗我去呢間日本居酒屋食飯，聽朋友講呢間餐廳平時都好多人幫襯；餐廳充滿日式風情，座位寬敞，坐得都好舒服，好適合同朋友一齊聚會。🍤咖喱岩蝦每隻蝦都炸到金黃色，外皮口感非常香脆，再配上香濃嘅咖哩粉，內裡嘅蝦肉亦都好彈牙，好岩配酒一齊食。🍣 三色手卷三色手卷外觀非常吸睛，一份手卷可以食到海膽、三文魚籽、吞拿魚腩蓉，三款魚生都好新鮮，可以一次過滿足哂三個願望。🍣吞拿魚腩蓉飯卷👍呢個飯卷上面鋪上吞拿魚腩蓉，入口質感嫩滑，再用白飯包住爽口嘅青瓜絲，一件飯卷可以食到多重口感。🥃 清酒煮蜆👍呢個真係大推，每隻蜆都非常大隻，味道非常鮮甜，同時帶有淡淡酒香，但又唔會俾清酒嘅味道蓋過。🍤雜錦天婦羅呢個菜式有炸蝦，炸魚，仲有幾款蔬菜天婦羅，材料非常豐富，每件都炸到非常香脆，呈金黃色；就算唔點醬汁食，亦都唔會覺得好油膩。🍢豚肉韮菜卷👍呢款串燒嘅口感非常豐富，經過烤燒嘅豚肉片包住韮菜，再配上香濃嘅醬汁，內裡嘅韮菜吸收哂豚肉同醬汁嘅味道，口感亦都好爽口。🥚日式茶碗蒸茶碗蒸口感非常香滑，充滿蛋香，上面仲有幾粒三文魚籽。