木子居酒屋

Open Now

Now Closed

大圍呢間木系和風居酒屋，店面雖然唔係好大，但座位闊落，樓底夠高，空間感十足，仲有bar枱同tatami位，坐得舒服又有feel~~食物方面都算高質，餐牌好多選擇，菜式有心機諗過，價錢亦親民，推薦之選。🤩1️⃣鮮帆立貝肉($80)肉質鮮甜，不過可以再厚肉啲😜2️⃣壽司自選壽司🍣：蔥拌吞拿魚、三文魚、油甘魚、金目鯛。壽司以赤醋飯製成，配上豐富甘香味嘅刺身魚，整體好滿意。3️⃣豚肉豆苗卷($48)好奇試一試，點知有驚喜喎💜。醬燒豚肉夠香，juicy但偏重味，好彩有中間嘅豆苗令入口感覺爽口，一重一輕，兩者幾搭。4️⃣蕃薯併南瓜天婦羅($78)南瓜同蕃薯都好新鮮，炸粉薄身，入口酥脆但唔油膩👍混入鮮蘿蔔蓉嘅天婦羅汁，唔會過鹹或過甜，充份中和炸物油膩感，沾天婦羅食好夾。5️⃣味醂魚乾($68)鹹香魚味濃郁，燒得剛好唔會乾柴，保留到咬口，送酒一流🍻6️⃣自家製梅酒($58)誠意之作，有梅香，淡淡酒味🥃，甜度酸度啱啱好，易入口。