泰中意

Open Now

Now Closed

泰中意位於大圍田心村，坐地鐵係圍方商場行去10分鐘內便到達，亦好容易揾路.門面大大個綠色招牌，好吸睛。下午時段過來，有午餐提供，包埋飲品都幾抵食，8款食物都幾多選擇，仲可以加配小食。蔥油碳燒豬扒配白飯豬扒飯份量超大份，豬扒好大塊，大過我塊臉~拎起先發現原來係仲有另一塊蓋住左，雙扒飯加了大量蔥油，好香口送飯一流，豬扒肉質好軟身，好好食🤤。泰式海南雞配香茅油飯：經典泰式食物，海南雞賣相超靚，脾位好滑，點埋3式醬味道係絕配.泰式冬蔭公明爐烏頭魚：冬蔭公湯酸酸地好開胃，偏酸只有好少辣味，一啖湯一塊烏頭魚食係最正，但要小心有骨~