大圍小食

Open Now

Now Closed

呢間食店長期都咁多食客幫襯，除了大件夾抵之外，最重要系好食，口味夠地道。位於大圍站對出嘅大圍小食，最少幫襯咗十幾年，佢個魚蛋、燒賣仲攞過獎。如果鍾意食辣，必定要去試佢個秘製辣醬，好惹味，辣得好過引，食過系會掛住嗰種好食。阿媽話今晚有幾位內地既親戚嚟屋企作客，叫我打幾個外賣加菜，即刻諗到香港地道小食，每款買D，呢個大雜匯不得了，煎釀三寶、辣魚蛋、燒賣、串燒、豬大腸、牛拍葉、生菜魚肉、土魷、鹵水、生炸大雞脾，臭豆腐，水魷....等，個個食到樹起手指公，吃光大圍小食，反而剩咗阿媽煮嘅菜😂。佢地話有食過香港既街頭小食，但無見過份量咁足咁大件，煎釀三寶件西蘭花大大梳，魚肉大大片，狗仔粉超足料，豬頸肉串燒勁爽，豬大腸外皮炸得好香，魚蛋彈牙，仲叫我教佢地點去，自己要再去掃１次貨，因為我每款小食要１份，佢地唔夠喉。