大圍小食

Open Now

Now Closed

今日同朋友約咗喺大圍做facial做之前想掃街搵啲小食墊肚講起大圍小食 大家不約而同講咗想食「大圍小食」XD因為呢間老店真係開咗好耐同佢係由細食到大 覺得性價比高- - - - - - - - - - - - - - - - - - - - - - - - 1. 煎釀三寶(豆腐、紅腸、尖椒、餃子)共有10款炸物 樣樣都係炸得好靚望落就係新鮮食材炸出嚟嘅 唔會縮晒全部都好有光澤又熱辣辣咁攤晒喺度同埋肉餡都好大嚿 粒粒都脹卜卜最驚喜係尖椒 食得好辣嘅人要嚟挑戰2. 港式炸大腸拎上手就聞到濃烈炸大腸嘅香氣見佢炸到金黃酥脆 再喺上面加啲芥末視覺上就更加吸引 忍唔住想食啖因為炸到酥脆 咬落有聲 做到外脆內軟少少鹹香 少少芥末帶嚟嘅開胃同刺激3. 魚蛋/燒賣(10粒)魚蛋燒賣每次掃街必食 $12/10粒算抵鍾意佢係陳皮魚蛋 結實又有少少甘香燒賣嚟自大大蒸籠 大粒、有煙韌感配埋佢嘅秘製辣汁 雖然睇落唔係好紅但少少都已經好辣 辣得過癮～4. 炸雞脾炸雞脾嘅賣相真係會令人流口水上手已經感覺到佢好熱辣辣打開見到金黃酥脆外皮即刻想食咬落嗰陣外皮超級香脆 又係有聲同入面嘅肉質有個對比 好啱送酒5. 串燒豬頸肉

🔥講到香港小食唔知你哋覺得邊樣最具代表性？呢一間，喺大圍屹立咗超過20年嘅小食店，噏得出嘅小食幾乎都有💫雖然佢係一間老店，不過佢嘅運作模式一啲都唔老，定期就會推出一啲新產品，例如呢排推出咗嘅💐煎釀三寶西蘭花💐就非常受到一班街坊嘅歡迎🥰要數佢其中一樣最好食嘅孖寶，肯定係呢度嘅燒賣同埋陳皮魚蛋！配上香濃秘製嘅辣汁，而且價錢竟然只係💲12/10粒！🐔大大隻嘅生炸雞髀更加唔少得，食完一隻今晚都唔使食飯！都只係25蚊🧆煎釀三寶當然係小食裏面嘅主角之一啦，一大盒我都只係買咗30蚊，每一件都非常大件，佢度嘅釀尖椒係辣辣地㗎！佢呢度煎釀三寶有個特色就係有啲街外出面唔會有嘅嘢就例如魚肉西蘭花同埋冬菇咁樣！🫔椒鹽燒賣，到底有咩吸引？咪就係香脆囉！加少少辣醬，簡直係perfect，幾多錢？12蚊！🦑呢幾年大熱嘅芥辣墨魚呢度都有，仲係新鮮即整，唔使驚食到肚屙😋🐷炸大腸，應該都係香港名物之一。呢度嘅炸大腸唔好睇佢十幾蚊一串，佢係大腸包小腸！絕對值呢個價錢，出去食碗牛腸河都三四十蚊得嗰幾舊仔，呢度舊舊都係大大件🐔串燒，呢樣就真係唔係週圍嘅小食店都會有。呢度嘅串燒雖然買16蚊一串，但係份量大！係喺你喺街邊食到十蚊一

正宗港式風味小食 正！位於地鐵站附近 行過去唔使5分鐘做外賣生意 諗得到的港式小食都有🤩好有人氣 但因有規矩 所以唔洗等好耐.✨糯米飯 大$48加潤腸·臘腸$12冬天時糯米飯特別吸引糯米軟糯而煙韌一定要加潤腸同臘腸 咁先夠滋味✨.✨油渣麵 細$40油渣份量好多 有好香豬油香入面仲有好多香蒜，香蔥 覺得辣菜脯好正👍🏻同油渣麵味道好夾😸.✨煎釀三寶 $20/5件推薦🫶🏼樣樣都大大件好有份量 除咗一般嘅紅腸魚蛋青椒等等仲有第一次見的西蘭花同冬菇 估唔到又好正.✨燒賣·陳皮魚蛋 $12/10粒不得不提的係獲獎的秘製醬汁 辣辣地好惹味.✨串燒·司華力腸$18·豬頸肉$16串燒燒到有陣炭香 好有驚喜好高質

📍#大圍小食 (大圍)大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️✨#油渣麵配自製辣菜脯大圍小食嘅油渣麵係我嘅最愛，油渣麵簡直正！麵條滑滑，油渣炸得金黃香脆，食落去有層次感。自製嘅辣菜脯唔單止帶啲辣味，仲有種獨特嘅咸香，令整碗麵更加出色。✨#豬頸肉豬頸肉切得厚薄適中，肉質嫩滑，配上辣粉做調味，無論係單吃定係加埋飯食，都好啱。✨#足料糯米飯糯米飯粒粒分明，口感軟糯，米香濃郁，仲好足料，臘腸配潤腸油香味十足，食落去好有飽腹感，亦唔會太膩。✨#韮菜豬紅韮菜豬紅色澤鮮艷，豬紅煮得啱啱好，唔會有腥味。再加埋啲蒜蓉，食得好過癮。▪️▪️▪️▪️▪️▪️▪️▪️▪️▪️▪️▪️▪️▪️

呢間（老字號）店嘅野食多數都係兒時至愛車仔檔嘅野食😍佢哋嘅咖哩魚旦，串燒嘅醬汁都係兒時食嘅味道，仲要係用陳皮魚旦直頭係我最愛。炸大腸，臭豆腐夠哂香夠哂脆，仲有煎釀三寶炸雞脾等等炸物，基本車仔檔有嘅呢到都應有盡有，比如話生菜魚肉，碗仔翅，韭菜豬紅，豬油渣麵，狗仔粉，車仔麵，糯米飯，雞蛋仔，格仔餅等等等真係多野食到食唔哂咁多款，一次過滿足哂咁多朋友嘅要求🤤🤤味道好好下次一定會嚟試埋其他野🥰🥰

沙田區入夜之後..真係無咩好野食🥲好彩朋友介紹我哋去大圍小食朋友住附近 佢話大圍小食已經多年歷史今日我地一行8人試晒佢地既招牌特色食物全部都讚不絕口 唔怪之得可以屹立咁多年👍🏻首先介紹吓佢嘅串燒我哋叫咗雞肉同埋豬頸肉兩款都十分推薦 即叫即燒 唔會柴 唔會過火重有我每次都叫既滷水雞翼想食太多煎炸嘢嘅話呢一個我都非常推薦雞髀肉都係好鮮嫩 味道都好夠佢哋嘅煎釀三寶 都係出色既之前食過其他地方煎釀三寶全部都係粉團大圍小食既魚肉有魚肉味 食得足料腊腸飯 好少見到有雙腸😍糯米飯煮到岩岩好唔會太乾或太濕回頭指數❤️❤️❤️❤️❤️👍🏻

大圍一概被預為親民美食同小食天堂，除左好多唔同種類既餐廳之外，仲可以有好多唔同種類的菜式！ 今次我專登去一間小食店到食晚餐，除左佢好多野食選擇之外，爛當然亦都有佢既優勢係度啦！就係得獎係美食選舉既燒賣魚蛋！同埋佢地秘制串燒沙嗲蜜糖醬仲有最馳名既辣汁啦！當然唔小得最喜愛食既臭豆腐，又香又脆，再配上甜醬辣醬一流完美配搭！生菜魚肉翅就當然唔小得啦！仲有車仔麵呢個真係完美配搭最後一定唔少得煎釀三寶啦！我自己同朋友就叫咗呢啲燒豬頸肉x1串黑椒牛丸x1串炸大腸x1串椒鹽炸燒賣x1串糯米飯細x1臭豆腐x1串招牌燒賣x1串招牌魚蛋x1串檸檬菜x1支菊花茶x1支必食嘅我覺得係招牌燒賣、因為呢一間燒賣嘅質感喺出面應該真係未必有得買到！魚蛋OK但我最主要係佢個辣汁好好食！呢度一定要食嘅仲有臭豆腐、真係炸得超級香！最後就係糯米飯細細碗已經好夠食入面好足料糯米飯超香仲有臘腸花生同埋菜葡！好食！大圍小食大圍村南道富嘉花園三座

親友專誠從上海來香港探我，並表示好想試試美味的地道小食，令我想起《大圍小食》！一於帶親友過來試試吧！這間多年老店，在大圍站一出步行1分鐘便到！每次來到都會見到有人排隊購買，就讓親友除了試試地道美食，更讓他試試香港的排隊文化吧！親友見到每樣都想食，買吓買吓越叫越多，一於外賣回家大快朵頤！~必食煎釀三寶：全部都好大件，而且熱辣辣，魚肉又唔腥，最特別係有西蘭花嘅煎釀三寶，特別得來又好味！~魚蛋燒賣：陳皮魚蛋配上香濃秘製嘅辣汁，真係唔講得笑！燒賣都唔錯！~炸大腸：雖然非常邪惡，但真係香脆可口，食到唔停得口！~魚肉碗仔翅：好鍾意食呢個兩溝，絕對係童年回憶，魚肉仲要大大舊，啖啖肉！~臘味糯米飯：天氣開始涼，見到有糯米飯真係啱晒，仲可以揀原條鴛鴦腸，返屋企慢慢剪開嚟食，原汁原味！~韭菜豬紅豬腸：除了豬紅豬腸出色，配料蘿蔔都好清甜，吸收胡椒湯嘅味道，正！~臭豆腐：不得不介紹這個臭豆腐，又香又脆！

呢間真係開左好耐既老店, 小編由細食到大, 無論咩時間都係咁多人排隊 😁 相比以前仲多左串燒, 畢竟我都無再住係大圍一段好長既時間, 有少少轉變都應該既, 但無變到既就係小店既味道, 到而家都仲keep到水準 👍🏻 我叫左一大堆野食, 魚蛋燒賣一定走唔甩, 記得一定要攞埋秘製辣醬, 加左滋味好多!! 炸大腸又係必食食物之一 😋 雖然佢唔係整串燒出身, 但串燒都整得有板有眼, 豬肉同牛肉都一樣厚身但唔會韌。臭豆腐比一般小店更臭 🤭 而且仲好大件! 佢一件等於人地兩件, 賣$16 1件都合情合理, 其他食物性價比都高! 😊

最近因為進修嘅關係，多咗喺大圍搵食，一出大圍站第一眼見到嘅就係大圍小食。大圍小食是多年老店，提供美味的地道小食，獨特的煎釀三寶，不僅吸引了大圍人，也讓遊客對香港的美食文化刮目相看，性價比高。怕羞掃街，可以外賣返屋企慢慢嘆。魚蛋燒賣、人氣辣汁魚蛋、燒賣搭配非常受歡迎，和人氣辣汁是香港小吃。填滿肚仔，鮮嫩口感，味道鮮美。人氣辣汁用來搭配燒賣，香辣可口，提升燒賣的風味。煎釀三寶煎釀三寶很經典的香港小吃，煎炸至金黃酥脆。茄子柔軟的口感與魚肉相得益彰。西蘭花外面好少食到。冬菇用來吸收魚肉的鮮味。辣椒青椒增添色彩和風味。紅腸、炸餃子、炸豆腐搭配甜醬辣醬、辣椒醬或其他喜好的調味料享用，更加提升鮮味。黃金臭豆腐我們要珍惜臭豆腐，人手製作，手工小食，臭得好味道。串燒串燒肉類、海鮮、魷魚，經過燒烤炭燒，外焦內嫩，風味獨特。烤至金黃酥脆，根據個人口味，可以辣可以唔辣，自由搭配，配啤酒一流，絕佳美味小吃。魚肉碗仔翅魚肉碗仔翅香港人喜愛的美食，魚肉味道鮮美，口感滑嫩。碗仔翅湯汁的鮮味，增添滑嫩的口感，味道濃郁，加入胡椒粉仲好味。足料糯米飯秋風起食臘味，足料糯米飯提醒我又係深秋嘅時候。傳統中式美食，以糯米為主，搭

去到大圍探朋友，順便買野上去食！一出車站見到呢間大圍小食係多年老店，每次過過都會幫襯！呢度既小食款式好多，講得出既呢度都有！今次買左煎釀三寶、炸雞脾、魚蛋燒賣同串燒！煎釀三寶全部都大大件，魚肉唔會腥！呢度客流量多，所以唔會係放左好耐，全部都熱辣辣！炸雞脾真係超巨型，而且係即叫即炸啖啖肉！魚蛋燒賣係經典既港式小食點少得佢地，佢地個辣醬好正，岩哂食辣之人！串燒都係即叫即燒，可自選辣度！呢度連糯米飯都有，款式都係多到數唔哂！

10月28號大概晚上7點買燒賣魚蛋，我排隊排到我，咪同女店員落單，原本都好地地，我有講明要2串魚蛋，2串燒賣，分開裝，女店員叫我等等，點知有個叔叔係旁邊問要咩，我咪講多次2串魚蛋，2串燒賣，我見佢用個大少少嘅碗裝，咪以為佢裝20粒要大碗啲，點知我見佢想裝埋魚蛋時，我叫住佢，我要分開裝，叔叔仲串我”要分開裝早啲講呀嘛”，好彩旁邊個女店員立即幫我話返個叔叔”人地有講無聽書”，佢死死地氣裝大碗強塞20粒燒賣入細碗我都算啦，佢仲要跌咗幾粒燒賣出嚟佢條毛巾度，仲好意思係我面前放返入個碗到，奉勸各位要買呢間小食店嘅嘢食嘅時候睇吓啲嘢乾唔乾淨先好食🤨

街頭小食絕對係我哋嘅集體回憶，大圍火車站對面搵到呢間港式小食天花板，開業多年，係唔少單車友同街坊到大圍必到check point🚸鍾意辣嘅必食經典咖哩魚蛋🍡同燒賣，陳皮魚蛋粒粒爽彈，加上秘製咖哩汁，香辣過癮✨魚肉燒賣口感軟糯而且唔似豬肉燒賣咁油膩，大推！香港買少見少嘅臭豆腐外層酥香內裡濕潤，外脆內軟，加甜醬同辣醬好有風味港式串燒香噴噴，豬頸肉一定係必食，食到炭燒香味，燒完之後更加香口有沙嗲、蜜糖、辣椒🌶️孜然等調味選擇，買返屋企個個都爭住食天氣涼涼哋又係食糯米飯嘅時候，本身有粒粒臘，升級級可以加原條臘腸/膶腸，秋冬必食🔥滷水雞脾都有驚喜，煮得好入味，大隻得嚟肉質嫩滑，相當滿足煎釀三寶款式齊全，其他地方好難搵到西蘭花、冬菇釀三寶🥦呢度都食到，樣樣都係大大件，重點係唔油膩，滿意想清清哋可以揀生菜🥬魚肉，魚肉爽滑彈牙，鍾意食辣嘅一定要加佢哋嘅辣菜脯配埋麻油胡椒粉最正，辣度十足，一流👍🏽

大圍小食對大圍嘅街坊來講都係可以話細細個已經食佢大，咁緊係啦佢已經係間大圍嘅老店，屹立咗一個好長嘅時間，每一樣野都好抵食。喺呢度，你可以食到多款街頭小食，燒賣魚蛋、魚肉碗仔翅、炸大腸、煎釀三寶、串燒等等呢啲就唔在講啦。除左小食，亦都有一啲主食又或者可以擺上枱加餸都得，就好似狗仔粉、車仔麵、韮菜豬紅豬腸咁。炸大腸炸得非常香口，配埋甜醬芥辣食風味更佳。韮菜豬紅豬腸，豬腸洗得十分乾淨，完全冇異味。豬紅爽口唔易散，韮菜鮮嫩入味。魚蛋嘅辣汁好辣好過癮。車仔麵十分足料，選擇亦都十分之多，配埋豬皮、豬紅、魚皮餃、牛丸等材料食十分滿足，加少少魚蛋嘅辣汁食更加正。呢間街頭小食嘅總匯，真係絕不能錯過。

📍 #大圍小食 (大圍) 大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️大圍小食呢間小店藏有不少驚喜，無論係味道定係份量都叫人滿意，絕對係大圍一帶唔能錯過嘅小店。今次買外賣返屋企食，一樣咁正！✨ #燒賣 醬汁勁濃郁，最鐘意佢既辣汁味，一次過食20粒！正！✨ #油渣麵配自製辣菜脯 蒜香配搭鹹香,麵身有彈性,油渣好香脆而且無油溢味，係童年回憶既味道。✨ #足料糯米飯 糯米飯粒粒分明，配埋臘腸同潤腸,可謂十足豐富。✨ #紫菜魚皮餃 餡料飽滿,餃子皮薄而不失韌性，加上紫菜更好食！✨ #豬頸肉 烤至金黃酥脆,肉質鮮嫩多汁✨ #墨丸 口感滑嫩，魚漿味道鮮明，咬落去有彈性。✨ #韭菜豬紅豬腸 韭菜豬紅係最佳配搭，夾埋一齊食先最正！兩者份量都好多，加埋豬腸，正！✨ #港式滷水雞髀 雞髀滷得入味，肉質嫩滑，醬汁香濃！▪️▪️▪️▪️▪️▪️▪️▪️▪️▪️▪️▪️▪️▪️