Video
Read full review
2015-11-14
418 views
坦白講一句，我呢一生人真係甚少黎到大圍區行街食飯，呢一晚朋友邀請我入黎大圍食晚飯，起初我都不太情願，但係盛情難卻，咁就黎左呢間Cafe 1950食晚飯。呢間Cafe係以半自動嘅形式經營，餸菜當然就係係餐牌上order, 但係就係自己任斟任飲，無論係咖啡定係汽水，都係任君選擇！係我地斟下野飲同埋傾下計之際，啲野食話咁快就黎到。首先係溫泉蛋凱撒沙津，食之前將溫泉蛋輕輕切開，剛剛熟嘅蛋液緩緩地流係沙津之上，真係相當滋味，而且沙津菜亦係新鮮爽口，係個唔錯嘅前菜。接著就係西班牙清湯煮鮮蜆同埋香煎鵝肝。平時大家出街食蜆，好多時候都只見其殼，不見其肉，但係呢碟鮮蜆，隻隻蜆肉同個殼相連，唔怕無啖好食，而且入口食到嘅，唔會係成口沙，而係鮮甜同彈牙嘅蜆肉，中意海鮮嘅就要必食！至於鵝肝就唔駛多講，外表煎得金黃香脆，配上少量嘅黑醋，令鵝肝嘅香味更為突出，而家呢度仲做緊晚市優惠，就更加抵食！接著落黎係原隻魷魚筒釀墨魚汁海鮮飯，呢個真係要非常好心機先製作到，首先要將墨魚汁繪飯煮好，然後釀入墨魚筒內，再係鐵板上呈現出黎，誠意度真係爆燈。再者，墨魚汁繪飯嘅味道亦都不錯，絕對食得出墨魚嘅鮮味，而魷魚筒嘅質感一啲都唔硬，
呢間Cafe係以半自動嘅形式經營，餸菜當然就係係餐牌上order, 但係就係自己任斟任飲，無論係咖啡定係汽水，都係任君選擇！
係我地斟下野飲同埋傾下計之際，啲野食話咁快就黎到。首先係溫泉蛋凱撒沙津，食之前將溫泉蛋輕輕切開，剛剛熟嘅蛋液緩緩地流係沙津之上，真係相當滋味，而且沙津菜亦係新鮮爽口，係個唔錯嘅前菜。
接著就係西班牙清湯煮鮮蜆同埋香煎鵝肝。平時大家出街食蜆，好多時候都只見其殼，不見其肉，但係呢碟鮮蜆，隻隻蜆肉同個殼相連，唔怕無啖好食，而且入口食到嘅，唔會係成口沙，而係鮮甜同彈牙嘅蜆肉，中意海鮮嘅就要必食！
至於鵝肝就唔駛多講，外表煎得金黃香脆，配上少量嘅黑醋，令鵝肝嘅香味更為突出，而家呢度仲做緊晚市優惠，就更加抵食！
接著落黎係原隻魷魚筒釀墨魚汁海鮮飯，呢個真係要非常好心機先製作到，首先要將墨魚汁繪飯煮好，然後釀入墨魚筒內，再係鐵板上呈現出黎，誠意度真係爆燈。再者，墨魚汁繪飯嘅味道亦都不錯，絕對食得出墨魚嘅鮮味，而魷魚筒嘅質感一啲都唔硬，方便大家切黎進食。
呢晚最後嘅一道菜，亦都個人覺得最出色嘅一道就係德國式咸豬手。外皮炸得相當香脆，食落有啲似食薯片嘅感覺; 而豬手肉比我想像中軟身，味道又唔會太咸，係大眾接受到嘅味道。
呢餐一人大概都係$230左右，價格係我可以接受嘅範圍之內，同埋亦到證明左我朋友嘅推介確實都唔錯XD
Post
