Video
Read full review
2024-03-07
55 views
大圍火車站對面街 有好多唔同食肆，6點15分 時間尚早 全部餐廳都未滿座 可以任揀，是夜想食得Fresh D 就揀越南餐廳🍅順化蕃茄牛腩配法包 $80牛腩好濃牛味 蕃茄醬汁濃稠感都十足 同牛腩配合到，法包烤得外脆內軟 每件都塗上蒜蓉牛油 直接食都好好味 沾上蕃茄醬一齊食 又係另一個風味🐷濱海伴豬肉卷 $76平時香港越南餐廳好少見到濱海質感似米粉 鋪上少少蔥花+花生碎+炸乾蔥豬肉卷炸得脆皮 JUICY程度比德國腸更甚 一入口油汁就爆晒出黎用生菜包住濱海+豬肉卷+一兩片金不換同薄荷葉 沾少少魚露一齊食，越南味出晒黎 🥬河內小食拼盤 $135炸春卷+香茅雞翼+手打炸蝦餅+米紙卷+扎肉估唔到上枱咁大盤 雖然係小食 不過有咁多款小食 個份量都唔細，睇落好吸引🧊椰汁珍多冰 (跟餐特飲) $12椰汁好香 少甜口味 口感比較輕 飲完唔會好膩🥑牛油果沙冰 $36沙冰打得細滑豐厚 同樣少甜口味 FRESH! 飯後用小匙一啖一啖慢慢食個沙冰 好似食半溶乳酪雪糕咁 當佢甜品食都一流*7點前 已經坐滿晒*Menu選擇多*裝潢佈置乾淨舒服*店員姐姐個個都好好笑容 上茶落單上菜 好快手
🍅順化蕃茄牛腩配法包 $80
牛腩好濃牛味 蕃茄醬汁濃稠感都十足 同牛腩配合到，法包烤得外脆內軟 每件都塗上蒜蓉牛油 直接食都好好味 沾上蕃茄醬一齊食 又係另一個風味
🐷濱海伴豬肉卷 $76
平時香港越南餐廳好少見到濱海
質感似米粉 鋪上少少蔥花+花生碎+炸乾蔥
豬肉卷炸得脆皮 JUICY程度比德國腸更甚 一入口油汁就爆晒出黎
用生菜包住濱海+豬肉卷+一兩片金不換同薄荷葉 沾少少魚露一齊食，越南味出晒黎
🥬河內小食拼盤 $135
炸春卷+香茅雞翼+手打炸蝦餅+米紙卷+扎肉
估唔到上枱咁大盤 雖然係小食 不過有咁多款小食 個份量都唔細，睇落好吸引
🧊椰汁珍多冰 (跟餐特飲) $12
椰汁好香 少甜口味 口感比較輕 飲完唔會好膩
🥑牛油果沙冰 $36
沙冰打得細滑豐厚 同樣少甜口味 FRESH! 飯後用小匙一啖一啖慢慢食個沙冰 好似食半溶乳酪雪糕咁 當佢甜品食都一流
*7點前 已經坐滿晒
*Menu選擇多
*裝潢佈置乾淨舒服
*店員姐姐個個都好好笑容 上茶落單上菜 好快手
Post
