木子居酒屋

Open Now

Now Closed

離大圍站不超過十分鐘嘅路程，樓底好高空間夠大，唔會覺得逼。暗暗地嘅燈光加上木製家具同埋設計，居酒屋🏮嘅氣氛十足，令人幾放鬆。士多啤梨梳打同另一杯係青蘋果梳打，唔會過甜，好清爽。鮮帆立貝肉好新鮮。清酒煮蜆🍶 清酒嘅米香煮完之後，加埋新鮮蜆肉嘅甜味，好回甘。和風炸雞🍗 調味濃郁，炸衣唔會太厚。豚肉韮菜卷十分juicy，燒汁同豚肉卷好夾，韮菜亦燒得幾香。最驚喜係佢嘅牛油果松葉蟹肉脆殼卷，松葉蟹肉鮮甜唔會有雪櫃味，牛油果🥑亦新鮮，卷入面嘅軟殼蟹亦炸得香脆，少少嘅油香加埋牛油果嘅脂肪香相得益彰。