民聲冰室 (Under Renovation)

民聲冰室喺大坑小有名氣，提供令人回味無窮正宗港式地道食物，餐廳面積唔係好大，最多只有四五張枱可以俾你坐，所以一般都要排隊等位，不過價錢非常親民，而且食到港式中菜風味🤤今次我哋專登試咗佢哋嘅招牌菜，一試難忘🤫😗鹹蛋蒸肉餅 $58招牌菜之一，肉餅一上碟真係整到一座山咁樣⛰️😂外層挺身，肉餅打到軟林林，咬落去軟熟鮮嫩多汁而且有埋個豉油撈落去啲肉餅度送飯一流🍚 ，配埋個鹹蛋簡直冇得頂 🥚 客家鹽焗手撕雞 $65🐔食落去質地柔軟，食落去麻油味都幾重，充滿芝麻所以食落去好香口，調味恰到好處🤤