兩草 (銅鑼灣道) (Closed)

最近試咗有大坑隱蔽美食之稱嘅兩草，雖然價錢係幾便宜，但對d食物都幾失望。唔知係咪因為去個日冷氣壞咗，個廚師熱到無晒心情，普遍d嘢食都overcooked咗。✧ 香煎脆邊蛋肉餅飯 $𝟜𝟘個蛋黃唔係流心而係全熟〔見圖〕，肉餅無咩油脂香，整體嚟講味道偏淡，要自己狂落撈飯鼓油。✧ 蛋炒豬腸粉 $𝟚𝟛個醬嘅味其實幾好食，腸粉都幾滑，可惜炒得太燶，有d位係黑晒。✧ 咖央多士 $𝟚𝟚最失望嘅一樣嘢，塊包太薄太燶又唔脆，但入面嘅牛油同咖央醬係幾多嘅。✧ 胡椒肉骨茶 $𝟛𝟞D肉唔入味不過幾軟腍，個湯係好單調嘅白胡椒味，唔係好飲到肉味同其他調味，無平時肉骨茶個種多層次嘅味道。