Video
Read full review
2019-04-14
411 views
呢間位於大坑嘅八寸，距離天后地鐵站大概10分鐘嘅步行路程，位置於僻靜嘅橫街， 花點時間就可以搵到。首先梗係點返個食身熱身先啦，刺身包括金目雕，池魚，黑鯥，拖羅，帆立貝等等，拖羅同帆立貝當然就比較常食啲，其他魚刺身就當然係睇時令先有得食啦。總括嚟講刺身都好新鮮，每一款魚都有自己唔同嘅鮮味同質感，而一向唔係好鍾意食魚嘅我同女朋友都覺得不俗。第二道前菜以鯖魚、梅子、生葵積、味噌混合而成，出奇地配合; 梅子嘅微酸，山葵嘅辛辣，味噌嘅濃郁，配合鯖魚嘅鮮味，再加上紫菜嘅脆口，絕對係一個開胃嘅前菜。海之幸 - 餸如其名，食晒海裏面令人最幸福嘅美食，有海膽、吞拿魚魚蓉蔥花、三文魚子，配上帶子手卷，將海裏面所有嘅鮮甜美食一次過帶到桌面上，四個人三扒兩撥就將佢清空左啦。鮪頰肉唐揚 - 其實識食魚嘅人都知道有幾個部位係特別嫩滑好味，就好似係面珠登，同埋魚鮫位。難得呢度有炸吞拿魚面珠登肉食，當然要試吓啦。微脆嘅外皮，包住嫩滑嘅面珠登，再配合少少蘿蔔蓉食，一次過食晒脆、鮮、清，又係食到一舊接一舊咁食，停唔到口。八寸鵝肝 - 呢度嘅鵝肝做法很特別，先醃後蒸再煎，內凍外脆，鵝肝嘅油分唔會好似出邊香煎咁油分偏重，相反
首先梗係點返個食身熱身先啦，刺身包括金目雕，池魚，黑鯥，拖羅，帆立貝等等，拖羅同帆立貝當然就比較常食啲，其他魚刺身就當然係睇時令先有得食啦。總括嚟講刺身都好新鮮，每一款魚都有自己唔同嘅鮮味同質感，而一向唔係好鍾意食魚嘅我同女朋友都覺得不俗。
第二道前菜以鯖魚、梅子、生葵積、味噌混合而成，出奇地配合; 梅子嘅微酸，山葵嘅辛辣，味噌嘅濃郁，配合鯖魚嘅鮮味，再加上紫菜嘅脆口，絕對係一個開胃嘅前菜。
海之幸 - 餸如其名，食晒海裏面令人最幸福嘅美食，有海膽、吞拿魚魚蓉蔥花、三文魚子，配上帶子手卷，將海裏面所有嘅鮮甜美食一次過帶到桌面上，四個人三扒兩撥就將佢清空左啦。
鮪頰肉唐揚 - 其實識食魚嘅人都知道有幾個部位係特別嫩滑好味，就好似係面珠登，同埋魚鮫位。難得呢度有炸吞拿魚面珠登肉食，當然要試吓啦。微脆嘅外皮，包住嫩滑嘅面珠登，再配合少少蘿蔔蓉食，一次過食晒脆、鮮、清，又係食到一舊接一舊咁食，停唔到口。
八寸鵝肝 - 呢度嘅鵝肝做法很特別，先醃後蒸再煎，內凍外脆，鵝肝嘅油分唔會好似出邊香煎咁油分偏重，相反呢淡淡的鵝肝香味更為特別。
櫻蝦湯 - 用生嘅牡丹蝦，再淋上熱辣辣嘅龍蝦湯，就做出呢味櫻蝦湯。思想不到一隻刺身牡丹蝦畀熱辣辣嘅濃湯悶熟之後都可以咁鮮甜，再加上濃郁嘅龍蝦湯，為今晚呢一餐晚飯畫上完美嘅句號。
Post
