Video
Read full review
2023-07-19
722 views
📌 大坑超人氣牛扒廚師發板扒房呢一間預約困難店真係長期fullbook小妹已經book過好幾次都係waiting list 但今次都係第一次成功等到空枱😎佢地菜單就比較主流 分別都係 前菜 沙律 餐湯 牛扒 配菜同甜品 而且佢地只serve一個menu 大家可以留意啦😙其中餐湯 沙律 薯條都提供無限Refill 啱曬平時一個餐唔夠飽嘅朋友另外酒水就無試 因為佢地提供Free Corkage好適合自己帶酒配餐🤩係上前菜之前店員就會攞今日廚師揀嘅三款牛肉上黎詳細介紹 產地 部位 特色都介紹得好清楚😉🍴 麻辣牛肉撻外層非常鬆脆 而裏面牛肉餡就有微辣同埋花椒香氣 而上面配有巴馬臣芝士碎亦可以好好中和辣度 就算好似小妹咁唔食得辣都可以一試🍴 是日沙律沙律菜就同平時出面一樣以羅馬生菜為主配上櫻花蝦同埋胡麻醬帶出日式風味🍴 是日餐湯店員上菜前就話Pheromone餐湯同醬料都會採用不同傳統的材料配搭 希望食客可以估吓入面用咗乜嘢材料而三樣嘢都同平時出面食到嘅材料好唔同味道亦相當豐富 以下我就唔劇透餐湯同醬料了留返比大家自己嘗試🤪🍴 蒜蓉包同坊間烘到好脆相反 呢個蒜蓉包做得比較鬆軟但係蒜蓉香味同麵包自
呢一間預約困難店真係長期fullbook
小妹已經book過好幾次都係waiting list 但今次都係第一次成功等到空枱😎
佢地菜單就比較主流 分別都係 前菜 沙律 餐湯 牛扒 配菜同甜品 而且佢地只serve一個menu 大家可以留意啦😙
其中餐湯 沙律 薯條都提供無限Refill 啱曬平時一個餐唔夠飽嘅朋友
另外酒水就無試 因為佢地提供Free Corkage
好適合自己帶酒配餐🤩
係上前菜之前店員就會攞今日廚師揀嘅三款牛肉上黎詳細介紹 產地 部位 特色都介紹得好清楚😉
🍴 麻辣牛肉撻
外層非常鬆脆 而裏面牛肉餡就有微辣同埋花椒香氣 而上面配有巴馬臣芝士碎亦可以好好中和辣度 就算好似小妹咁唔食得辣都可以一試
🍴 是日沙律
沙律菜就同平時出面一樣以羅馬生菜為主
配上櫻花蝦同埋胡麻醬帶出日式風味
🍴 是日餐湯
店員上菜前就話Pheromone餐湯同醬料
都會採用不同傳統的材料配搭
希望食客可以估吓入面用咗乜嘢材料
而三樣嘢都同平時出面食到嘅材料好唔同
味道亦相當豐富 以下我就唔劇透餐湯同醬料了留返比大家自己嘗試🤪
🍴 蒜蓉包
同坊間烘到好脆相反 呢個蒜蓉包做得比較鬆軟但係蒜蓉香味同麵包自身甜味都好夾🙌🏻
🍴 牛扒
今晚所有牛扒都係廚師當日挑選 所以每日都可能唔同 我地今次食呢三款 大家下次去就可能唔同😆
紐西蘭草飼Scotch Fillet🐮
Scotch Fillet即係平日會食到肉眼扒中間嗰塊肉眼芯 有類似牛柳一樣軟滑口感 同時因為草飼嘅關係 油花較少 帶出比較純粹嘅肉香味
紐西蘭草飼肉眼蓋🐮
有Queen of Steak的美譽 有比肉眼芯彈牙嘅口感 但係同時有媲美西冷嘅肉味 係我覺得當晚最好食嘅牛肉
澳洲M7和牛Flank Steak🐮
部位喺牛腩尾部平時比較韌 逆紋切片令佢軟嫩 配合適量油花都有少少入口融化嘅感覺
🍴 配菜
配菜方面有炸薯條 炒蘑菇 同埋炒粟米
其中我就最喜歡粟米同蘑菇炒到微微焦香🌽
薯條都係手切連皮即炸 配搭三款特色醬料都好惹味🍟
🍴 藍莓芝士蛋糕🍰
因為前面都食得好飽 個甜品比較細份就啱啱好@另外可以講講 我地只係根據booking system留左今次Anniversary用途 並無要求餐廳幫我地喺甜品碟上寫啲咩 但餐廳都好細心寫左比我地🥰
不過有樣嘢餐廳可以改善下 就係三款牛扒同時上 食緊第一款嘅時候就會有另外兩款好快凍咗 影響食物質素 又或者就要將冷氣較細返啲😂咁樣食物就唔會好快凍晒🤔
總括而言 牛肉品質的確不錯 但相對地配菜以及餐湯就更為出色 而過程中估食材都好好玩 好期待下次有咩新菜色(如果book到枱) 服務非常周到 以呢個價錢有咁嘅質素難怪會成為預約困難店
Free Cockage嘅高質黃店大家要多多支持!🍷
大家記住要book定先去呀 每個月最後一日都會係社交平台出po開放下個月嘅Booking🤓
🍽️ 食物：🌕🌕🌕🌕🌑
🥂 飲品：NA（自備）
👩🏻🍳 環境：🌕🌕🌕🌕🌑
💯CP值：🌕🌕🌕🌕🌑
✅回頭率：🌕🌕🌕🌗🌑
💰
Tasting Menu: 620/head 免加一
Overall: ⭐️⭐️⭐️⭐️ (out of ⭐️⭐️⭐️⭐️⭐️)
📍 Pheromone - Steak House
地址：大坑蓮花宮西街1-9號地舖
Post