The Socialhouse (Renamed) View

呢間餐廳真係唔錯又座得舒服，飲返杯白酒先~本身對酒冇咩認識嘅我，都唔知飲咩好嘅時候，老闆就走出嚟，問吓我鍾意飲咩味道嘅酒，佢就介紹咗我飲呢隻，聞落有好香嘅蕃石柳味，果味都好重，好吸引人再飲第二杯。蕃茄沙律，用唔同地方出產嘅蕃茄加水牛芝士，黑醋嘅材料造成。材料好簡單但淨係蕃茄已經有唔同嘅口感，有啲爽口啲，有啲林身 ，原來連營養都會唔一樣，係健康嘅選擇。野菌汁薯蓉焗鴨脾，呢道菜原來花咗好多時間去煮，首先醃製嘅時間，再要慢焗一次，再要高溫再焗，起碼要用一日時間，鴨脾食落完全冇蘇味，外皮好脆，切落去嘅時候肉汁就慢慢滲出嚟，點少少野菌汁就更好。餐廳除咗食物質素高之外，我都幾欣賞老闆對客人嘅態度，會細心講解每一道菜，又會傾下計。傾傾下仲送多杯白酒俾我飲，完全無架子，呢餐飯連我朋友都讚。