睿日本料理 (Closed)

大坑有好多隱世高質素既餐廳，今次去呢間一條街就有3間店，就係睿日本料理。餐廳雖然不大，但環境幾舒服溫馨。櫻花蝦卷，粉紅色，好少女吖，櫻花蝦加上芝士，味道同魚肉腸幾相似。梅水晶係雞胸軟骨加鯊魚軟骨做的，口感好爽脆。八爪魚配日本高糖番茄，爽口八爪魚配上青瓜汁，再配埋高糖番茄，味道好清新。再配埋和歌山蜜柑梅子酒，香甜果味，好易入口。烏魚子吞拿魚沙律，咸咸既烏魚子配吞拿魚沙律菜，好特別好開胃。深海池魚簿切配柚子醋，酸酸甜甜好夾。赤貝爽口而甜蝦鮮甜，每款刺身都好新鮮。櫻花蝦貝柱海蜆木魚湯，除左肥美既大蜆，仲有好多海帶，成個湯好鮮味。黃金蟹膏龍蝦尾，鹿兒島和牛，鮟鱇魚肝，龍蝦尾肉質爽口，但唔係好食到蟹膏既味道。和牛油脂豐富，口感十足。鮟鱇魚肝，口感滑嫩，入口即化。天婦羅有鮑魚，紫蘇海膽，銀杏同青椒。鮑魚爽口，平時很少食炸鮑魚，口感好特別。紫蘇海膽，紫蘇葉既味道不是每個人都可以接受到。銀杏同青椒味道不錯。火炙魚生丼，左口魚邊，白身魚，拖羅。火炙過既魚生，油脂迫晒出來，非常肥美。蜜瓜清甜，而櫻花寒天則似果凍，好甜美既完結。