八寸料亭

Open Now

Now Closed

係觀塘放工過海都十分方便，大坑個頭出名食日本野，好多好authentic 既日本餐廳都會係個到開。一入到店面就feel 到日本傳統居酒屋既和式風味。睇番OpenRice 話呢到出名食omakase 廚師發板，還掂返工好攰唔諗太多，由大廚決定仲恰當。蕃茄沙律作為前菜最適合不過，味道帶酸甜酸甜，連本身冇咩胃口既我都想食多啲野。另一道前菜都係開胃菜，係我地平常講開既海蜇，當然亦稱為水母。入口酸味較重，水母絲爽口清新，呢兩道菜都係ready for 你迎接之後既菜。刺身拼盤種類多，好多出面日本餐廳比較罕見既刺身類別呢到都有，拖羅、深海池魚、黑鯥魚、瑩光烏賊等，而且質素拍得住其他高檔既日本餐廳。其中最特別係鯛魚白子，佢原來係鯛魚既精子，聽落去好似好有趣咁。白子入口唔腥，肥美甘甜。蔬菜天婦羅入口熱辣辣，我地親眼睇住佢新鮮炸起。粉漿唔會過厚，亦都唔會炸到過哂火，菇類咬落去仲有汁唔會乾哂。鮪頰肉係攞左吞拿魚面頰既肉，比魚腩部位更爽口，因帶有筋而富有彈性，佢麻油味比較突出但同吞拿魚既鮮味好夾。值得一讚係呢到服務周到，店員好有禮貌！平日黎人流唔多，希望多啲人發掘下呢邊既餐廳啦。