Second Draft (Moved) New Location

今日咁啱要去跑馬地做嘢，收咗工就諗住去大坑搵嘢食，睇完依間個餐牌幾得意之後就入去食啦。呢間野好多手工啤酒選擇，跟住仲有好多特色小食主菜，因為我哋冇咩胃口所以嗌咗唔多嘢食。我哋嗌左個涼拌雞腎，呢個凍食前菜唔錯，佢有啲柚子味，蒜香味，用嚟送啤酒都唔錯。之後我哋嗌左個燻牛治，咁佢用咗黑麥酸種飽，酸菜薑汁芝士。呢個我覺得幾好食，佢各樣野都好平衡，燻牛亦都有好多，雖然燻牛佢比較乾身，但係因為酸菜啊各樣野令到佢唔會太dry。嘢飲方面我就嗌左杯少爺啤，因為嗰日比較熱飲完杯咁爽嘅啤酒真係想叫多一杯，佢爽得來啤酒花味都幾重。如果去開大坑又想試啲創意食物，可以試一試依間。