八號餐廳

Open Now

Now Closed

久唔久都會嚟呢一間8號餐廳食個早餐，今日既然冇車出大埔返唔到工就更加要嚟食。同屋企人一人叫咗一個早餐，當然唔少得就係有自助水吧嘅熱茶飲啦。飲完自助水吧嘅茶之後早餐就差唔多到啦，同平時一樣杯奶茶真係勁大杯，自己落糖唔怕太甜。茶底有夠濃有夠香。屋企人叫嘅庵列呢好大份，仲可以揀唔要多士，要菜底，沙律菜啱啱好唔會肥。另外呢個雞扒就都好好食，慢火煎好夠淋，調味啱啱好唔會話太鹹。嚟得呢度食嘅大家都知規矩，如果唔太多人嘅早上，可以喺書架攞本書，一路睇一路飲茶水吧嘅果汁，hea夠一個上晝都係三十幾蚊，真係大埔嘅福地。