逸東小館

Open Now

Now Closed

呢日同朋友踩完單車，就去咗附近一間餐廳食飯，叫咗以下食品:燴獅子頭菜飯 - 獅子做得頭鬆軟有肉味，醬汁唔會過鹹，菜飯食落唔油膩，很清爽，味道剛剛好。花膠雞麵 - 花膠好大塊，有厚度之餘，質感唔會過淋，有少少彈牙，雞肉份量不少，唔柴一啲都，通心米線索咗雞湯，很鮮味。鮮菇蟲草花鮮肉雲吞 - 雲吞餡料豐富，菇菌味道香濃，加上濃郁雞湯，令味道昇華。南乳炸雞翼 - 雞翼炸得香脆，肉質保持到嫩滑，食到南乳味但唔會太過濃烈，好食。鮑汁豆腐 - 豆腐炸得再煮，外皮更能索汁，中間部分就依然滑溜，很夠味。鮑汁油菜 - 灼油菜食落爽甜，鮑汁唔鹹帶有鮮味，配搭生菜好夾。豆漿 - 味道少甜，幾好。玫瑰荔枝茉莉茶 - 呢款茶味道好清新，解膩一流。樽仔奶茶 - 樽仔奶茶飲落有股花香味，因為無加冰嘅緣故，咪道更香濃。