八妹雞煲

Open Now

Now Closed

同朋友去到大埔附近工作，收工後就到大埔附近嘅餐廳覓食。朋友話大埔出名食雞煲，所以就專登上網搵一搵邊一間好食，最後就發現呢間八妹雞煲。呢間餐廳嘅價錢唔算貴，係食雞煲嘅餐廳入邊，其實呢一間嘅環境算係相當乾淨。我同朋友得兩個人，所以就叫唔到好多嘢食，不過我都有問店員呢度出名食咩，咁佢哋都推介左我哋食牛魔王嘅A 級安格斯肥牛同埋即炸響鈴，平心而論，呢一間嘅雞煲其實算係中等，並唔可以話係非常之好食，不過打邊爐嘅食物就幾唔錯，尤其是我最鍾意佢嗰個即炸響鈴，浸2秒就即刻食得，真係好脆仲有佢嘅大大杯凍檸茶都值得推介一下，其實食打邊爐或者雞煲呢啲咁重口味嘅嘢真係要一杯大大杯嘅凍檸茶先夠解渴。整體而言，呢一間雞煲味道算係中上，而且服務態度同埋環境都非常唔錯，如果想食雞煲又唔食得太馬勒嘅話可以試試。