A8's Cafe (Closed)

朋友推薦我話呢間餐廳幾好食，今日有時間就過左黎，坐底見到餐牌好多野食，好難簡，都諗左陣先簡到。是日餐湯今日係羅宋湯，蔬菜材料足，飲落較淡味。香草燒菲律賓大蝦 $148大蝦肉質肥厚，Q彈有嚼勁，滿佈香草味，兩隻唔夠喉啊，仲想食多幾隻。蟹肉蟹柳蟹籽忌廉汁意粉 $56蟹肉多，連同蟹籽食有咬口，忌廉汁豐富，但整體食落唔會漏。香煎紐西蘭肉眼扒配薯條 $68叫左7成熟，肉質嫩度僅次於牛柳，薯條外層香脆， 而內層鬆軟。呢度多卡位，坐得都幾舒服，侍應幾好禮貌。