Video
Read full review
2022-11-05
119 views
之前已經預約左呢間餐廳，想要好好慶祝吓今日。差不多6點鐘嚟到餐廳，見到餐廳竟然空無一人，心諗會唔會中伏？好彩結果係無令我失望嘅，其實用餐中途已經不斷見到有客人入嚟，到我地差不多食完，餐廳亦差不多滿座。 朋友要左一個dinner set，而我見到個餐咁多嘢食，都擔心太多嘢食會食唔哂，所以只係叫左個小食再加main course。 Dinner Set($688)共有6道菜：1st 季節限定法色濃湯： 甘筍橙湯2nd 季節限定法式前菜：酒釀法式鵝肝凍3rd 季節限定法式多士：魚子醬多士4th 季節限定輕食：法式鵝肝撻5th 主菜(可選牛、豬、雞、鴨、魚，朋友揀左要牛)鵝肝牛柳6th 季節限定甜品：芝士蛋糕 一個Dinner set有成六道菜，我真係食唔晒，朋友就覺得好正、啱啱好。每道菜都會依次序，逐一上台，上台後就係影相打卡時間(😄📸碟碟嘅擺盤都唔一樣，重要超靚)。對於呢六道菜，朋友嘅評語係：每道菜都有驚喜，味道完全唔一樣，所以每食一樣都有新鮮感。🥣先講個湯，真係非常之濃稠，甘荀味非常之出。🧊而個鵝肝凍，酒味濃郁、食落真係好香、好醇、好滑。🍞魚子醬士，唔洗多講，真係有好正嘅海水味。
朋友要左一個dinner set，而我見到個餐咁多嘢食，都擔心太多嘢食會食唔哂，所以只係叫左個小食再加main course。
Dinner Set($688)共有6道菜：
1st 季節限定法色濃湯： 甘筍橙湯
2nd 季節限定法式前菜：酒釀法式鵝肝凍
3rd 季節限定法式多士：魚子醬多士
4th 季節限定輕食：法式鵝肝撻
5th 主菜(可選牛、豬、雞、鴨、魚，朋友揀左要牛)鵝肝牛柳
6th 季節限定甜品：芝士蛋糕
一個Dinner set有成六道菜，我真係食唔晒，朋友就覺得好正、啱啱好。每道菜都會依次序，逐一上台，上台後就係影相打卡時間(😄📸碟碟嘅擺盤都唔一樣，重要超靚)。
對於呢六道菜，朋友嘅評語係：每道菜都有驚喜，味道完全唔一樣，所以每食一樣都有新鮮感。🥣先講個湯，真係非常之濃稠，甘荀味非常之出。
🧊而個鵝肝凍，酒味濃郁、食落真係好香、好醇、好滑。
🍞魚子醬士，唔洗多講，真係有好正嘅海水味。
🥞法式鵝肝撻，係葡撻加鵝肝，咸甜味道有層次，特別欣賞蛋漿好滑、好香甜。
🥩鵝肝牛柳最有驚喜，因為最先以為只係得一件牛扒，原來係仲配有鵝肝。牛柳肉質軟腍多汁，肉味豐富。
🍰甜品芝士蛋糕，不嗜甜嘅朋友都覺得呢個唔錯，尤其是個朱古力牌，竟然用左黑朱古力，配搭芝士蛋糕一齊食，味道搭配出色。
我揀左嘅小食係，時令海膽刺身多士($198 3pcs)。上台時真係嚇一跳，每件多士面鋪著滿滿嘅海膽，色澤亮麗，未食已經覺得呢個小食性價比甚高。入口後，即時有幸福滿滿嘅感覺，海膽味道甘甜、口感軟滑。
主菜揀左慢煮西班牙黑毛豬鞍.焦糖蘋果($298)完全感受到慢煮嘅精髓，肉質嫩滑，容易嘴嚼，保持到肉汁。豬鞍似係完全無落調味，初時食到肉質嘅原味道，覺得幾驚喜，但係慢慢食落就會覺得味道較淡，不過伴碟邊會見到有海鹽，仲有蘋果蓉，點豬鞍食，味道即刻唔同；蘋果嘅甜味令豬鞍味道不再單調，而海鹽嘅微鹹更能提升肉味。
慶祝點可以唔飲返杯酒，我就揀左Rose，朋友就揀左 Singapore Sling。Rose好靚，慢慢睇住煙霧泡爆破，煙霧彌漫嘅感覺好夢幻。入口除左酒香，仲滲出淡淡嘅花香。Singapore Sling 嘅紅色又係好靚，晶瑩如紅寶石一般。
總結係每道菜都真係色香味俱全。呢度絕對係慶祝、情侶、知己相聚嘅首選餐廳。
Post
