Video
Read full review
2024-08-28
993 views
有朋友喺英國返香港探親，話有間喺倫敦好出名嘅燒味舖香港都有做，介紹我哋去食，佢話連英皇查理斯三世都有去過。呢間舖頭喺大埔，出名燒鴨，就去試吓。舖頭唔係好大，但伙記就好熱情咁招呼，已經抵讚。👍先嚟個燒味雙拼，燒鴨拼叉燒皇。燒鴨上碟時仲熱嘅，皮脆肉嫩，舖頭入面有張poster話佢哋嘅燒鴨可能係世界上最好食嘅燒鴨，我唔知係咪最好食，不過真係幾好食。叉燒大大舊，又唔鞋，唔錯。😋😋跟住嚟碟花雕醉鮑魚，一上嚟已經聞到好香嘅花雕味，食落去好腍又浸得好入味，鍾意食酒浸嘢食嘅朋友一定話正。👍👍再嚟一盎例湯，份量十足，每人起碼有2碗。用料新鮮，冇味精，應該㷛咗好耐先咁出味，抵讚。再嚟半隻香酥鴨同炸大腸。香酥鴨夾埋大蔥同青瓜再包住嚟食，別有一番風味。炸大腸就洗得好乾淨，冇酥味，炸得啱啱好，外脆內軟。單尾嚟埋個招牌炒飯，用大大隻嘅鮮蝦同其他配料炒，飯就粒粒分明，冇黐埋一舊舊，炒得好香，好味道。再叫多個甜品，中式心太軟，不過呢度就失色咗少少，扣咗啲分。整體上呢間食物嘅質素都係水準之上，喺大埔可以食到咁高質嘅食物真係有啲 surprise ！👏👏
先嚟個燒味雙拼，燒鴨拼叉燒皇。燒鴨上碟時仲熱嘅，皮脆肉嫩，舖頭入面有張poster話佢哋嘅燒鴨可能係世界上最好食嘅燒鴨，我唔知係咪最好食，不過真係幾好食。叉燒大大舊，又唔鞋，唔錯。😋😋
跟住嚟碟花雕醉鮑魚，一上嚟已經聞到好香嘅花雕味，食落去好腍又浸得好入味，鍾意食酒浸嘢食嘅朋友一定話正。👍👍
再嚟一盎例湯，份量十足，每人起碼有2碗。用料新鮮，冇味精，應該㷛咗好耐先咁出味，抵讚。
再嚟半隻香酥鴨同炸大腸。香酥鴨夾埋大蔥同青瓜再包住嚟食，別有一番風味。炸大腸就洗得好乾淨，冇酥味，炸得啱啱好，外脆內軟。
單尾嚟埋個招牌炒飯，用大大隻嘅鮮蝦同其他配料炒，飯就粒粒分明，冇黐埋一舊舊，炒得好香，好味道。
再叫多個甜品，中式心太軟，不過呢度就失色咗少少，扣咗啲分。整體上呢間食物嘅質素都係水準之上，喺大埔可以食到咁高質嘅食物真係有啲 surprise ！👏👏
Post
