Video
Read full review
2021-02-28
44 views
香港地要食抵食嘅西班牙菜唔多，今日經過 #大埔 嘅「@Tapas Brew」，係附近同一集團德國餐廳「@Das Bier」嘅分店，部分菜式亦都有得供應。雖然店鋪入面嘅座位唔算多，但係都幾寬敞，而且店入面擺滿西班牙風情嘅擺設同油畫，非常適合同朋友聚會又或者係情侶撐檯腳。今次叫咗兩個都係Tapas Brew嘅Signature主菜：💚 特色烤乳豬（$188）呢一個特色烤乳豬賣相的確非常吸引，而且價錢相對抵食。由於係即叫即烤嘅關係，等待呢碟菜嘅時間都比較長，但絕對係值得等嘅👍🏻 乳豬皮好脆之餘亦都好能夠鎖住肉汁同油香，而且肉質好嫩滑，再加上乳豬醬或微甜嘅果醬中和返油膩感，係唔錯嘅配搭。💚 西班牙海鮮飯（$188）好有特色嘅海鮮飯，亦都好能夠反映一間西班牙餐廳水準所在。首先海鮮種類都唔少，有蝦、蜆、青口、魷魚，同埋魚塊，飯就加入咗燈籠椒、洋蔥、橄欖等，整體都好配合，唔會海鮮同飯好分離嘅感覺。不過海鮮就應該唔係新鮮海鮮，但都唔會有雪味或者霉嘅情況出現。其實餐牌上面亦都有唔少酒類選擇，原本想叫香港出品嘅手工生啤「友」啤酒，可惜咁啱無晒。如果情侶嚟食想飲酒其實都可以點佢嘅二人套餐，除咗有前菜主菜等等
香港地要食抵食嘅西班牙菜唔多，今日經過 #大埔 嘅「@Tapas Brew」，係附近同一集團德國餐廳「@Das Bier」嘅分店，部分菜式亦都有得供應。雖然店鋪入面嘅座位唔算多，但係都幾寬敞，而且店入面擺滿西班牙風情嘅擺設同油畫，非常適合同朋友聚會又或者係情侶撐檯腳。
今次叫咗兩個都係Tapas Brew嘅Signature主菜：
💚 特色烤乳豬（$188）
呢一個特色烤乳豬賣相的確非常吸引，而且價錢相對抵食。由於係即叫即烤嘅關係，等待呢碟菜嘅時間都比較長，但絕對係值得等嘅👍🏻 乳豬皮好脆之餘亦都好能夠鎖住肉汁同油香，而且肉質好嫩滑，再加上乳豬醬或微甜嘅果醬中和返油膩感，係唔錯嘅配搭。
💚 西班牙海鮮飯（$188）
好有特色嘅海鮮飯，亦都好能夠反映一間西班牙餐廳水準所在。首先海鮮種類都唔少，有蝦、蜆、青口、魷魚，同埋魚塊，飯就加入咗燈籠椒、洋蔥、橄欖等，整體都好配合，唔會海鮮同飯好分離嘅感覺。不過海鮮就應該唔係新鮮海鮮，但都唔會有雪味或者霉嘅情況出現。
其實餐牌上面亦都有唔少酒類選擇，原本想叫香港出品嘅手工生啤「友」啤酒，可惜咁啱無晒。如果情侶嚟食想飲酒其實都可以點佢嘅二人套餐，除咗有前菜主菜等等之外仲有兩杯紅酒或者啤酒送，都幾抵食㗎。
－－－－－－－－－－－－
📍Tapas Brew 西班牙餐廳（翠怡花園）
大埔翠怡街3號翠怡花園C座地下2A號舖
－－－－－－－－－－－－
Post
