粉果佬

Open Now

Now Closed

粉果佬我細細個就聽過佢名，其實早幾年佢係廣福邨都重開過一次，如今係大埔中心重開，嗰陣時仲大排長龍，行到門口望入去5-6人製作點心，好忙架，佢賣點係手工燒賣，食過後，魚肉燒賣餡味道或許同出面街賣差唔多，但燒賣皮好薄，同食落口係feel到唔同，煙韌口感，加埋豉油鹹鹹地就好好食，比出面機器做既好好多。因為人手製作啦，所以佢同出邊啲價錢都貴少少十蚊紙有六粒，但我都覺得抵嘅，因為出邊都好少數手做魚肉燒賣，佢仲有咖喱魚蛋同粉果，留返下次再品嚐！