Video
Read full review
2024-12-10
207 views
入大埔踩完單車，搵嘢食搵到呢度～ 都有唔少街坊幫襯，相信係有返咁上下質素～ 價錢都平民，所以同朋友都唔手軟咁叫～🍽️ 花膠雞雞湯通心米線送到上枱淨係見到塊花膠，心諗係唔係上錯～ 真係落足料，雞肉又好嫩，連埋湯飲一流！🍽️南乳炸雞翼上海麵平時出去都係得3隻，佢一上就五隻，份量好有誠意！雞翼嘅南乳十分香，仲有炸粉唔厚，真係啖啖肉！🍽️韭菜蝦酥鮮肉雲吞x鮮菇蟲草鮮肉雲吞叫咗兩個主食都係忍唔住食最心愛嘅雲吞，雙拼每人兩隻味道可以試少少，雲吞嚟講合格！皮唔厚，而且絕對唔係細細隻膚衍你，內陷好足料，材料、調味都好香。🍽️蘿蔔絲空氣春卷平時好驚食炸嘢嘅我，驚喜唔會太油，入口脆卜卜，加上蘿蔔絲幾甜，幾有口感。🍽️鮑汁豆腐叫咗咁多嘢食，見到鮑汁豆腐咁特別，就梗係都要試下啦。汁十分入味，同埋唔係平時啲罐頭鮑汁味～值得一試！
🍽️ 花膠雞雞湯通心米線
送到上枱淨係見到塊花膠，心諗係唔係上錯～ 真係落足料，雞肉又好嫩，連埋湯飲一流！
🍽️南乳炸雞翼上海麵
平時出去都係得3隻，佢一上就五隻，份量好有誠意！雞翼嘅南乳十分香，仲有炸粉唔厚，真係啖啖肉！
🍽️韭菜蝦酥鮮肉雲吞x鮮菇蟲草鮮肉雲吞
叫咗兩個主食都係忍唔住食最心愛嘅雲吞，雙拼每人兩隻味道可以試少少，雲吞嚟講合格！皮唔厚，而且絕對唔係細細隻膚衍你，內陷好足料，材料、調味都好香。
🍽️蘿蔔絲空氣春卷
平時好驚食炸嘢嘅我，驚喜唔會太油，入口脆卜卜，加上蘿蔔絲幾甜，幾有口感。
🍽️鮑汁豆腐
叫咗咁多嘢食，見到鮑汁豆腐咁特別，就梗係都要試下啦。汁十分入味，同埋唔係平時啲罐頭鮑汁味～值得一試！
Post
