Video
Read full review
2017-10-07
907 views
星期六晚想搵返啲好嘢食，記起上次經過大埔有幾間日本菜好多人喺門口等，同行友人建議搵其中一間試一試水準如何。太和地鐵站步行約5分鐘來到德美壽司，位置處於街角，門外裝修華麗，掛滿日本特色燈籠。晚上八時半，門外等位的人不多，因為一早已訂好枱，但都等左10分鐘先有得坐低，好在餐廳安排左我地兩人坐四人檯，同行友人先覺得條氣順啲。餐廳入面裝修精緻，地方都算spacious，座位排得唔算太密，都ok舒適嘅。雖然第一印象唔錯，但坐落就覺得服務麻麻，上至經理、下至junior員工都少少遲緩，招呼客人嘅敏感度唔夠。我地坐喺屏風後面15分鐘都叫唔到人落單、餐廳方面亦無人過嚟問我地ready落單未；到我地終於叫到人，個同事又話叫第二個過嚟幫我地落，自己要執檯；跟住我地又再等，而經理當時好似游魂咁行過都唔知自己要做啲咩，要個執檯同事再提醒佢幫客落單！記得問職員攞Drink Menu，因為問係唔會主動俾你嘅。鐵板牛舌熱辣辣登場，口感爽脆，牛油味同牛脷配搭突出。本身睇圖以為好薄，但是都夠厚身，不過如果怕油嘅朋友就諗諗，始終牛油會比較肥。同行友人係腐皮粉絲，見到menu有自家製腐皮餃子好開心，即叫！點知嚟到先知係炸，
太和地鐵站步行約5分鐘來到德美壽司，位置處於街角，門外裝修華麗，掛滿日本特色燈籠。
晚上八時半，門外等位的人不多，因為一早已訂好枱，但都等左10分鐘先有得坐低，好在餐廳安排左我地兩人坐四人檯，同行友人先覺得條氣順啲。餐廳入面裝修精緻，地方都算spacious，座位排得唔算太密，都ok舒適嘅。
雖然第一印象唔錯，但坐落就覺得服務麻麻，上至經理、下至junior員工都少少遲緩，招呼客人嘅敏感度唔夠。我地坐喺屏風後面15分鐘都叫唔到人落單、餐廳方面亦無人過嚟問我地ready落單未；到我地終於叫到人，個同事又話叫第二個過嚟幫我地落，自己要執檯；跟住我地又再等，而經理當時好似游魂咁行過都唔知自己要做啲咩，要個執檯同事再提醒佢幫客落單！
記得問職員攞Drink Menu，因為問係唔會主動俾你嘅。
鐵板牛舌熱辣辣登場，口感爽脆，牛油味同牛脷配搭突出。本身睇圖以為好薄，但是都夠厚身，不過如果怕油嘅朋友就諗諗，始終牛油會比較肥。
鐵板牛舌
27 views
1 likes
0 comments
同行友人係腐皮粉絲，見到menu有自家製腐皮餃子好開心，即叫！點知嚟到先知係炸，都唔緊要，但係火喉控制唔好，炸到啲腐皮燶左！圖中腐皮黑色位並唔係豉油，係燶！
腐皮餃子
22 views
0 likes
0 comments
土佐豆腐好味道！外脆內軟，豆腐味濃，個汁少少辣，成件事好夾！好食！
土佐豆腐
18 views
0 likes
0 comments
海膽炒飯大大碗，分量足夠亦好足料，但略嫌濕咗少少，如果乾身少少就perfect。不過作為餐牌第二貴嘅炒飯$128，海膽嘅份量就少咗啲喇。
海膽炒飯
36 views
0 likes
0 comments
日本青椒仔上枱唔夠熱，豚肉串燒用嘅係五花腩，略嫌鹹咗少少。雞腎串燒好勒，有少少太熟太乾。整體嚟講，串燒唔係佢地強項。
串燒
21 views
0 likes
0 comments
壽司可以話係德美嘅拿手菜式，鱆紅魚壽司好新鮮，蔥吞拿魚腩軍艦簡直係超抵食，吞拿魚肉非常多，好似食漢堡包咁要三啖先食得晒！芥末八爪魚軍艦亦都相當之啲巨型，係好足料，八爪魚爽脆，但整體來講太咸。
壽司
18 views
1 likes
0 comments
甜品方面得三款，選擇太少又唔吸引，令人失望！
最後總結，呢間餐廳食物選擇夠多，當中以魚生壽司最出色。但食物整體嚟講都好濃味、太鹹，我地食食下都要叫嘢飲 — 而餐廳職員由頭到尾都無俾過drink menu 我地睇，要我地問先拎過嚟，服務真係麻麻。
啲後生嘅上菜求其放，食完嘅碗碟又唔識收，連餐廳經理都做做下嘢出去食煙再入返嚟成身煙味咁繼續serve客，咁嘅服務真係唔夠專業，喺周圍都有食肆嘅太和區真係被扣晒分，唔夠競爭力，我諗我地都唔會再幫襯喇，寧願去試其他！
Post
