L'AMOUR

最近揸車經過左一間隱世嘅餐廳，佢係喺大埔嘅太和路，淨係睇門口就已經覺得好靚呀，佢有一個磨砂嘅玻璃門，完全望唔到餐廳入面，真係私隱度極高。佢嘅午餐非常之抵食，包含小食餐湯主食同埋甜品。🔅焦糖法國鵝肝撻(睇落就好似一個蛋撻，識落嘅鵝肝好香口，入口即溶嘅感覺)🔅法式龍蝦湯(超濃郁嘅龍蝦味)🔅美國安格斯肉眼扒(牛扒叫咗五成熟，佢嘅肉質好鮮嫩）🔅是日甜品(係一個奶凍,上面有少少蘋果蓉）另外我哋仲叫咗一啲睇圖就覺得好靚嘅嘢食。💖極品海膽魚子醬多士一上枱就已經覺得極奢華，海膽非常大而且厚肉，入口好鮮甜，上邊鋪滿左魚子醬，雖然有少少鹹，但同海膽一齊食，入口即溶，加埋脆多士，成個口感出晒黎。💖三文魚子泡沫生蠔生蠔都係香港人嘅大愛，上面用咗三文魚子點綴，加咗少少青檸泡沫，鮮味十足，加埋脆卜卜嘅三文魚子，鹹鹹地令到海水味更加出 。💖法式西鰽鱸鱸魚係我比較surprise，因為佢煮得好香滑，配搭埋一啲椰菜花蓉紅腰豆，令人食到返尋味。飲品方面我叫咗Rose，佢係一杯Cocktail，上邊整咗一個大嘅泡沫 ，入邊被煙霧包圍，好有神秘感。