L'AMOUR

今日難得可以早放工，可以同朋友happy hour 一下，上網見到呢間餐廳勁多好評，於是同朋友過嚟試吓。入面座位唔太多，但係樓底好高，有一盞好大嘅水晶吊燈，感覺好fancy。我低點左佢哋嘅招牌啤酒，傾咗一陣計再點菜。餐牌上面有不同嘅套餐同埋a la carte item，最後我哋選擇咗單點。海膽魚子醬多士點咗三件，海膽份量好足，味道偏甜，好新鮮，配上魚子醬同多士，層次好豐富。法式鵝肝湯湯比較濃郁及creamy，飲落去好香。慢煮西班牙黑毛豬鞍配焦糖蘋果賣相好靚，肉味濃郁，配上醬汁甜而不膩，推介！蒜片辣椒蟹肉扁意粉入面有好多蟹肉，辣得來好惹味，送酒一流。最後甜品點咗比利時朱古力心太軟，朱古力味好濃，好耐冇食過啲咁好食嘅朱古力甜品。