麪譜車仔麵

Open Now

Now Closed

以車仔麵店黎講，呢間餐廳裝修得好靚，乾淨好坐，抵食夾大碗😍，湯底仲要幾正😋，三餸一麵先$41，每加一樣餸，無論菜定肉，劃一加$9，好抵食。1. Hea 底牛腩汁🐄+讚岐烏冬(+$6)+5餸牛腩汁好濃郁，讚岐烏冬勁彈牙。點咗瑞士雞翼🐥、蘿蔔、腩仔肉🐖、自製韮菜餃和蓮藕，樣樣都好食，尤其鍾意瑞士雞翼，超入味。2. 壯陽蕃茄湯🍅 (+$5)+河粉+5餸 個湯應該落左好多蕃茄去淆，食落好開胃。點咗古早味牛腩🐄、沙嗲牛柏葉、鳳城水餃、麻辣魷魚🦑和酥炸蝦卷🦐。牛腩炆得好淋，牛柏葉好爽口好正。3. 麵譜口水雞🐥 $30 雞肉質嫩滑，都幾麻辣惹味。4. 花膠教煮 $30好大份花膠，補充骨膠原一流。