復興行

Open Now

Now Closed

呢間鋪頭好近巴士站，主打大魚蛋、大墨丸同大墨魚，見佢哋賣相唔錯，又排晒長龍咁，所以就每樣買咗一份黎試。首先，雖然大魚蛋嗰層皮同埋啲魚肉有少少分離，但係啲魚肉勝在夠爽口彈牙。大墨魚丸就真係非常好食啦，每咬一啖都食到佢啲墨魚，又香又彈牙，個人認為比起大魚蛋更加好食。最後佢嘅大墨魚真係大過人頭，一樣好好食好鮮甜，同佢用嚟煮墨魚嘅豉油好夾。如果鍾意辣嘅話仲可以加辣椒油，非常惹味。因為實在太好食啦，所以喺走之前，我哋都有再買多一碗嚟食。大家如果黎大澳，記得一定要試佢嘅招牌啊。