魚你相聚

Open Now

Now Closed

呢間酸菜魚舖頭成日行過都見到好多人，今日終於有機會扚起心肝入去食。見到佢個餐牌都有好多選擇，有酸菜魚，煲仔飯，雞煲等等，不過基本上每一台都係叫酸菜魚，所以我哋決定貪心啲叫個大盤鴛鴦至尊，係二至四人用嘅，有一半係酸菜鱸魚，另一半係麻辣肥牛，仲有好多配菜，例如有大豆芽，豆腐皮，肥腸，鴨血，午餐肉等等，跟住仲有兩碗主食，我哋揀咗米線同埋薯粉。好快就上枱啦，上枱嗰下都嚇咗一嚇，佢個份量係比我想像中更大份，兩邊嘅份量都冇呃人，真係好真材實料。啲魚好厚身好實淨，仲啖啖肉，個份量都唔少，啲肥牛都超級多，啖啖肉，食極都仲有，肥腸，牛柏葉都好多，好好食，而仲有其他配料喺個底度，寬粉，瓜呀荀呀，食極都見唔到碗底，仲有兩份主食，呢個價錢做到咁嘅份量同咁嘅質素真係冇得輸，所以唔怪得晚飯時間呢個場都坐爆，大家有機會可以嚟試吓！