Amber’s Table

Open Now

Now Closed

餐廳位於黃埔壽司郎旁，主打多款性價比高嘅西餐，海鮮、牛扒、pizza、意粉飯、漢堡、甜點、飲品樣樣有齊，環境闊落，座位舒適，地點方便，而且店員服務態度十分友善，好推介大家同閨蜜/伴侶過嚟享用豐富嘅晚餐☺️一坐低店員會送上麵包，細細塊，點橄欖油食，比較特別，麵包軟身，唔係hea你嗰啲🤣 前菜有海鮮凍盤，龍蝦、生蠔，帶子、蟶子、翡翠螺、凍蝦，全部都好鮮甜，明顯係新鮮來貨，個人最喜歡生蠔、龍蝦同翡翠螺，前者肉質飽滿，後者爽口彈牙，美味無窮，必點之選🦪主食有美國特級肉眼扒，份量足以9oz，牛扒煎至七成熟，兩面都有微微嘅焦香，肉質嫩滑而且非常juicy，本身已經夠味，但點埋黑椒汁又係另一番風味～ 配菜要咗薯條，外脆，幼身，夠鹹夠惹味，雖然好熱氣但忍唔住食曬，想轉換口味嘅話亦有番茄醬、黑松露醬同鹽，好滿足呀🍟聽聞呢度嘅意粉都好出名，廚房有部機器，全手工製作，唔係來貨，誠意十足😎 大大力推介蜆肉配手製黑白馬意粉，黑白係指盛魚汁麵同蛋麵，以一大盤裝住，意粉幼身，味道濃郁而且好掛汁，蜆肉完全無沙，提提大家呢款一定要即刻食，如果唔係嘅話會過鹹！作為甜品控當然唔可以唔叫呢度嘅signature，無錯係梳乎厘呀