秋意 (成業工業大廈)

Open Now

Now Closed

觀塘好多餐廳都係工廈入面，要搵都唔容易。今次去咗成業街嘅成業工廠大廈６樓嘅秋意，門口有點小擺設，好易認。餐廳應該都落咗唔少心機裝飾，門面用樹枝掛上招牌布加上其他木製品，係門口等外賣都寫意過人。店內又有好多秋天主題嘅畫，成個感覺好舒服好輕鬆。MENU選擇唔算多，啱哂我呢啲有選擇困難症嘅人。今次揀咗豉油雞便當外賣，可以自選一款涼菜。涼菜好似係日日唔同，今次有雙耳同薯仔絲可以揀。最正係佢係去骨豉油雞，入味又啖啖肉真係懶人福音。而且佢個飯係跟飯素，終於啲蔥油唔使拎哂去撈飯，相對比較健康。$59有雞有飯有小食仲送半隻溏心蛋，堂食的話仲送冰泡茶，真係幾抵食，係附近返工的我又多一間飯堂了。