艋舺ㄟ雞排 (Moved) New Location

去開銅鑼灣sogo shopping見到新開左呢間台灣炸雞扒，見到好多人排隊，我又黎買番屋企食先，今次pop-up最特別之處是一次Street food cross-over由艋舺雞排夥拍 Grill Cambo進行，食物方面主打兩間人氣食店的招牌菜，艦舺的炸雞排，grill cambo的杯裝冬蔭功等。我地叫左天王雞扒，辣妹雞扒，苔客雞扒，由於雞扒即炸，外皮香脆，入面一點都唔乾，全部都好juicy，佢地標榜用新鮮雞唔用雪雞。我自己就中意辣妹雞扒，辣辣地幾惹味，小朋友就中意苔客雞扒，海苔味道濃郁。冬蔭公入面好足料，冬蔭公味道酸甜開胃，少少辣，大蝦爽口彈牙，草菇吸收哂冬蔭公湯汁，非常多汁。酸辣鳳爪鳳爪爽口彈牙，加上芹菜，蘿蔔絲，芫茜等口感豐富。青咖喱魚蛋大大粒口感彈牙，青咖喱味道濃郁。紅肉地瓜條地瓜條香甜煙韌。