一起素 (Closed)

以前一聽到中大素can,個個都灑手拎頭，仲話係中大最難食既餐廳添。不過宜家真心進步左好多，尤其係下午茶時段，都好多選擇。All day breakfast價錢平出面既餐廳一大截，就算係素全日餐最平都要差不多60。呢度個素腸好好食，做得唔似一般素肉咁好大陣豆腥味。碗麵個麵底我都係唔太鐘意，即食麵底始於唔太健康….記得以往第一次黎食麵時我都罵左出聲：「下？咩個湯底同清水一樣！」但宜家真係改左，飲得出應該係自家煲的，但d料都係少少hea,可以再改善下。呢個壽司卷就最好食，即叫即製！坊間應該要賣30-40蚊舊，一起素好似16蚊姐，水準拍得住大x然素食、x和素食等等大素食店。唯一唔好係應該唔係用壽司豉油，味道好咸呀。呢件純素朱古力芝士蛋糕唔掂，雪到硬一硬凍一凍都係好鬼死甜，而且伴碟的唔係士多啤梨而係番茄仔，感覺相當奇怪。