拉麵Jo (Closed)

落大雨入商場搵野食，去左呢間拉麵鋪食野，入到去睇餐牌發現除左拉麵，仲有飯同多款小食，選擇比一般拉麵鋪幾多元化。呢度有二人晚餐 $298，包2碗麵/飯，2款小食同2杯飲品。特製低溫叉燒拉麵 +$20鐘意食肉既朋友就岩哂啦，呢碗有7塊低溫叉燒，入口幾嫩，叉燒肉味濃，貌相一流之餘仲幾好食，拉麵幼身，份量多。特製魚介豚骨拉麵呢碗既湯會比之前個碗濃啲同咸啲，有3片一般叉燒、2塊雞胸肉片。拉麵系粗身拉麵，食落有咬口感啲，而且幾掛汁。蝦餃子5隻用餃子皮包住原隻蝦既餃子，入面無肉，有葱，蝦肉比較過熟。鐵板安格斯牛扒 +$20牛扒鐵板上枱「炸炸」聲，牛扒幾嫩又易咬開，有驚喜，仲配薯條同雜菜。鐵板豆腐 $58呢個豆腐無咩特別花巧野，就系豆腐放上鐵板上。明太子雞翼 $42呢款小食做緊優惠，2隻脹卜卜既雞翼，微微辣，炸得幾脆。