Fûhn (The L. Square) (Closed)

一到咗夏天咁熱，自然就唔想食好多野，食返餐越南河粉配小食就最開胃啦。係OpenRice度見到呢間越南菜咁多好評，又係銅鑼灣夠晒就腳，就一於試一試啦。打開個餐牌見到咁得意嘅，河粉有分size ,分別係regular, Large, XL and XXL，真係啱晒唔同場合，唔同人數，同埋唔同食量啦，好新穎又有趣！我同朋友一行兩人，就叫左一個Large 既特色牛湯粉，入邊有牛丸，牛坑腩片，生牛肉，牛柏葉，牛腩等等十分之足料。另外仲叫咗兩個小食分別係鮮蝦米紙卷，同埋碳燒豬頸肉。仲要左一杯凍鹹檸七。兩個小食，份量唔算好多，兩人Share黎食就啱啱好！碳燒豬頸肉燒得好好、肉質夠晒彈牙；鮮蝦米紙卷鮮味十足！唔洗點調味料都夠晒好味，呢個小食係健康之選！至於重頭戲嘅特色牛湯粉，個湯真係十分之鮮甜，配埋個河粉同埋生牛肉夠晒野味，真係食唔停口好香，好好食，更加就唔使講啲牛肉好林好好食。仲有不得不提，其實不論係手打牛丸，定係牛坑腩片生牛肉等等，佢都俾得好足料兩個人食每人最少都食咗幾舊，真係好夠份量啦。