Video
Read full review
2023-05-31
269 views
今日介紹既呢間甜記餃子一直都係餃子界既人氣名店，之前社交平台既餃子關注組票選都人氣高企，旺角/太子/長沙灣都有分店，lunch hour有時都係排隊先食到！湯餃 單/雙拼 $48/10隻椰菜冬菇雲耳豬肉餃：Classic之選，次次黎都嗌佢！餃子皮薄餡多，包到漲卜卜，呢款餡肉比菜多，食落啖啖肉，口感豐富，Juicy，飽滿！蕃茄湯入面有少少薯仔，比較清淡襯托翻主角餃子；鐘意濃厚湯底既可能就覺得爭少少啦。👍👍👍👍👍🏿西洋菜豬肉餃：比起椰肉豬肉餃既啖啖肉 ，呢一款就係滿滿既西洋菜餡，西洋菜鮮甜，食落比較清爽，可以中和一下肉餃既膩，推薦。👍👍👍👍🏿👍🏿煎餃 單/雙拼 $52/10隻粟米芝士雞肉餃：呢款都係每次黎甜記既必嗌之選😂個人推介做煎餃，煎到卜卜脆，好香口，同芝士餡好夾！餃子餡芝士味為主，都食到粒粒栗米，甜甜地夠cheese但係又唔會好膩，推薦！👍👍👍👍👍🏿南瓜忌廉雞肉餃：呢款都係creamy之選，三種餡料好match好順口，湯/煎都好食！👍👍👍👍🏿👍🏿性價比：因為呢間既餃子比較大粒飽滿，所以一般女仔食8粒都夠飽，以佢湯餃$44/8隻 $48/10隻 煎餃 $48/8隻 $52/10隻既價錢
13 views
0 likes
0 comments
椰菜冬菇雲耳豬肉餃：Classic之選，次次黎都嗌佢！餃子皮薄餡多，包到漲卜卜，呢款餡肉比菜多，食落啖啖肉，口感豐富，Juicy，飽滿！蕃茄湯入面有少少薯仔，比較清淡襯托翻主角餃子；鐘意濃厚湯底既可能就覺得爭少少啦。👍👍👍👍👍🏿
西洋菜豬肉餃：比起椰肉豬肉餃既啖啖肉 ，呢一款就係滿滿既西洋菜餡，西洋菜鮮甜，食落比較清爽，可以中和一下肉餃既膩，推薦。
👍👍👍👍🏿👍🏿
19 views
0 likes
0 comments
粟米芝士雞肉餃：呢款都係每次黎甜記既必嗌之選😂個人推介做煎餃，煎到卜卜脆，好香口，同芝士餡好夾！餃子餡芝士味為主，都食到粒粒栗米，甜甜地夠cheese但係又唔會好膩，推薦！👍👍👍👍👍🏿
南瓜忌廉雞肉餃：呢款都係creamy之選，三種餡料好match好順口，湯/煎都好食！👍👍👍👍🏿👍🏿
性價比：因為呢間既餃子比較大粒飽滿，所以一般女仔食8粒都夠飽，以佢湯餃$44/8隻 $48/10隻 煎餃 $48/8隻 $52/10隻既價錢黎講，加上佢既質素，個人認為性價比幾高！我地仲嗌左一碟蠔油菜心同一枝豆漿，人均$100內。👍👍👍👍👍🏿
另外佢仲有免費既菜圃，加埋餃子一齊食增加一啲口感同味道既變化，辣辣脆脆，好過癮。之前去都有試過香葉豆角豬肉餃，覺得就唔夠上面介紹嗰幾款經典/招牌口味出色。如果第一次去推薦可以試左經典口味先！
Post
