R&Y's International Cuisine (大尾篤村)

Open Now

Now Closed

食私房菜唔想出到香港個邊，近近地大尾篤就有一間隱世高質私房菜。R&Y's International Cuisine (大尾篤村)位於大埔汀角路大尾篤村145號地舖，餐廳亦會提供泊車位，唔怕泊唔到車。餐廳環境不算大，裝潢以紅色為主，餐廳佈置好有新年氣氛，好適合一大班朋友聚會，或情侶撐枱腳。開胃前菜：煙三文魚&紅菜頭配大蝦&36個月大風乾火腿煙三文魚和風乾火腿非常鹹香，而紅菜頭配大蝦有驚喜，大蝦爽口彈牙，紅菜頭醬用紅菜頭、紅酒、蜜糖、欖油一齊打均，食落酸酸甜甜，完全沒有草青味，好開胃，作為餐前小食最適合不過。干邑野菌湯野菌湯稀稠度剛剛好，野菌味突出，飲落好順滑，飲得出真材實料煲出來。麵包籃：蒜蓉法包&意大利薄脆蒜蓉法包有牛油香，香濃的蒜蓉味，外脆內軟，另外意大利薄脆又薄又脆，非常可口，味道有點似蔥油香。意大利式慢煮紅酒燴羊膝餐廳非常有誠意，大廚會出黎介紹主菜，睇得出大廚對食材非常講究。用上意大利蕃茄、蒜、香草、紅酒燴1.5時至2小時，口感軟腍，帶點少少咬口，不會勁羶，唔食羊肉既我地，都大讚煮得非常出色。