Video
Read full review
2017-03-22
379 views
今日約左幾個朋友去大尾篤，計劃先去踩單車，夜晚去BBQ, 點知4點左右就落起大雨嚟，所以我地唯有急急腳返去還車。還完車就開始矛盾緊仲去唔去巴希雅BBQ,因為怕落雨燒唔到，於是打電話去巴希雅問一問佢地會唔會露天，好彩佢地係有簷篷架！於是我地就將BBQ既計劃提早，5點就去到！地點唔難搵，地方好大而且簷篷好密亦好大，完全唔會被雨淋濕!我地4個人，但我地有張6人枱坐，好寬敞夠用！枱面已經有紙巾、調味醬汁（豉油、水）、燒烤爐、夾、碟同即棄筷子，都幾企理齊全。呢度每人$158任燒三小時，包每人一隻海蝦、一件菠蘿、包金菇菜、一罐飲品，而每3人就有一隻香蕉。蜜糖、蒜蓉、雪糕等就要另外買。枱上面有豉汁同水：豉汁用嚟襯肉類9成熟時塗上、水就搽蔬菜類以免燒乾。食物放喺房內，一串串準備好，一目了然，有魚、豬、牛、雞、海鮮、蔬菜、蒜蓉法包同埋已熟既咖哩魚旦。肉類之中我最欣賞牛舌，一串兩件大大粒，望落以為會韌，點知燒完原來好juicy、好稔身亦不失肉味！encore左好多次，甘好味唔怪之得成日都比人拎晒啦！羊架帶少少膻味岩我口味，同樣肉厚多汁好惹味；雞翼、雞排都同樣醃得入味又大隻多肉！不得不提只限每人一件既菠蘿，
今日約左幾個朋友去大尾篤，計劃先去踩單車，夜晚去BBQ, 點知4點左右就落起大雨嚟，所以我地唯有急急腳返去還車。還完車就開始矛盾緊仲去唔去巴希雅BBQ,因為怕落雨燒唔到，於是打電話去巴希雅問一問佢地會唔會露天，好彩佢地係有簷篷架！
於是我地就將BBQ既計劃提早，5點就去到！
地點唔難搵，地方好大而且簷篷好密亦好大，完全唔會被雨淋濕!
我地4個人，但我地有張6人枱坐，好寬敞夠用！枱面已經有紙巾、調味醬汁（豉油、水）、燒烤爐、夾、碟同即棄筷子，都幾企理齊全。
呢度每人$158任燒三小時，包每人一隻海蝦、一件菠蘿、包金菇菜、一罐飲品，而每3人就有一隻香蕉。蜜糖、蒜蓉、雪糕等就要另外買。枱上面有豉汁同水：豉汁用嚟襯肉類9成熟時塗上、水就搽蔬菜類以免燒乾。
食物放喺房內，一串串準備好，一目了然，有魚、豬、牛、雞、海鮮、蔬菜、蒜蓉法包同埋已熟既咖哩魚旦。
肉類之中我最欣賞牛舌，一串兩件大大粒，望落以為會韌，點知燒完原來好juicy、好稔身亦不失肉味！encore左好多次，甘好味唔怪之得成日都比人拎晒啦！羊架帶少少膻味岩我口味，同樣肉厚多汁好惹味；雞翼、雞排都同樣醃得入味又大隻多肉！
不得不提只限每人一件既菠蘿，好甜好多汁，唔怪得之係限量！
開頭見到原條茄子以為老闆開玩笑，原來真係原條燒架！我地自己將茄子切開一半燒，調一調味等熟左之後將茄子肉夾出嚟食，真係好稔好好味呢！
最後就「燒蕉」啦！老闆教我地將香蕉原條每邊燒5分鐘之後拎出去比佢地加朱古力醬！香蕉雖然燒黑左，但其實內裡完全唔會燒燶，好香蕉味亦好稔身，加上朱古力醬真心好食！呢度唔錯，大尾篤又一BBQ好選擇！
Post
