Video
Read full review
2014-12-21
1871 views
好耐無見嘅朋友約小弟食飯聚一聚，無乜理由托手踭啫，況且，地點由佢定，最好就喺咁，唔使小弟依個掛名食家去諗。餐廳定晌德福嘅白熊喫茶店，都方便我吖，準時到無問題。德福一向旺，人流多，連帶好多食肆都生意唔錯，雖然，今晚喺閒日，依然見白熊有九乘幾滿，部份枱都翻到兩轉。餐廳一室以楓木為主，襯以仿磚牆，牆身又掛有唔少盆栽，樸實簡潔，予人溫暖安舒。雖然據知白熊以咖喱打響名堂，不過，亦有唔少其他菜式選擇，如奄列蛋炒飯、意粉、意大利包、三文治、窩夫、芭菲……，出品比較多元化，飲品都有唔少特色，路線走近於日式咖啡室，所以，取名「喫茶店」，覺得佢意思都喺唔想出品太局限 。餐廳剛啱推出「聖誕及元旦套餐」，定價又唔算貴，分2位（$268+10%）或4位（$488+10%），包湯、沙律、主菜、甜品及餐飲，主菜又多款式，兼且夠彈性。如果唔太大食嘅女生，點個二人份嘅相信3個人都夠食，絕對划算 。餐湯有兩款：味噌湯及忌廉粟米湯，無理由唔試晒架！ 味噌湯傳統日式小木碗盛載嘅味噌湯，朋友話味道不俗，麵豉味幾香濃。 忌廉粟米湯粟米湯就當然唔喺罐頭嗰啲啦，個忌廉湯入口幾順滑，粟米味亦都突出，味道清甜天然。 溫泉蛋櫻花
德福一向旺，人流多，連帶好多食肆都生意唔錯，雖然，今晚喺閒日，依然見白熊有九乘幾滿，部份枱都翻到兩轉。餐廳一室以楓木為主，襯以仿磚牆，牆身又掛有唔少盆栽，樸實簡潔，予人溫暖安舒。
雖然據知白熊以咖喱打響名堂，不過，亦有唔少其他菜式選擇，如奄列蛋炒飯、意粉、意大利包、三文治、窩夫、芭菲……，出品比較多元化，飲品都有唔少特色，路線走近於日式咖啡室，所以，取名「喫茶店」，覺得佢意思都喺唔想出品太局限 。
餐廳剛啱推出「聖誕及元旦套餐」，定價又唔算貴，分2位（$268+10%）或4位（$488+10%），包湯、沙律、主菜、甜品及餐飲，主菜又多款式，兼且夠彈性。如果唔太大食嘅女生，點個二人份嘅相信3個人都夠食，絕對划算 。
餐湯有兩款：味噌湯及忌廉粟米湯，無理由唔試晒架！味噌湯
傳統日式小木碗盛載嘅味噌湯，朋友話味道不俗，麵豉味幾香濃。
味噌湯
32 views
2 likes
0 comments
粟米湯就當然唔喺罐頭嗰啲啦，個忌廉湯入口幾順滑，粟米味亦都突出，味道清甜天然。
溫泉蛋櫻花蝦銀魚凱撒沙律 4人餐可以揀兩客沙律，最直接就兩款沙律試晒。依個沙律喺晌基本餐牌中嘅廚師推介嚟，個配搭都幾特別，西式嘅凱撒沙律加入日菜元素：溫泉蛋及櫻花蝦，淋上日式沙律汁，清新開胃，帶點濃濃蛋黃香；最有趣添加咗大量銀魚薄條，就好似常見嘅木魚刨絲咁，香脆得增加口感「脆」味 。
溫泉蛋櫻花蝦銀魚凱撒沙律
37 views
1 likes
0 comments
田園沙律 多款新鮮蔬菜以簡單醋汁調味，對比之下，田園沙律就顯得平實，但用料仍然食得出新鮮度。
田園沙律
42 views
2 likes
0 comments
牛仔骨配牛咖喱汁
一客有4件牛仔骨，既然喺牛仔骨，當然配番牛咖喱汁。咪睇啲咖喱汁烏卒卒，始終喺日式咖喱，唔會太辣，而且香得嚟帶點甜味，而牛仔骨煎得頗甘香，肉味挺濃，質感仍都軟腍而富肉汁，比想像之中好喎。
牛仔骨配牛咖喱汁
19 views
1 likes
0 comments
醬燒豬肋骨 雖然唔喺晌美式餐廳，但啲燒豬肋骨做得一樣有水準，一客同樣有4件，件件都既大件，又烤焗得焦香。因為豬肋骨應已搽上燒烤醬，所以唔蘸咖喱汁一樣咁惹味，咬落肉嫩帶油香，越食越滋味。
醬燒豬肋骨
40 views
2 likes
0 comments
溫泉玉子牛肉咖喱焗飯 輪到另一類別，小弟覺得咖喱焗飯喺鐵膽嘅選擇，因為白熊嘅咖喱磚由日本總店製作，空運到香港再加工，質素自然穩定兼有質素。以日本肥牛入饌，配以牛肉咖喱汁，加芝士再烘焗，咁都已經非常吸引嘞，但加多一隻溫泉玉子，流緊口水未？將蛋漿、咖喱跟白飯撈勻，讓美味滲在其中，每口飯真喺美味無窮 。
溫泉玉子牛肉咖喱焗飯
58 views
5 likes
0 comments
海鮮炒飯 若稍嫌白汁焗海鮮飯及卡邦尼意粉較為大路，依個海鮮炒飯應該頗有吸引力。飯粒炒得尚算分明，內裡混入細細粒嘅墨魚及蝦仁，最正喺加入大量蟹籽，令個飯食落有種卜卜脆嘅口感 。
海鮮炒飯
25 views
5 likes
0 comments
最後上場嘅甜品喺以北海道3.7牛乳所做嘅軟雪糕新地，可揀士多啤梨口味或朱古力口味，其實都只喺淋上士多啤梨漿或朱古力漿而已。小弟揀咗後者，朱古力漿形成一絲絲「脆皮」，至於啲軟雪糕十分軟滑，極重奶香 。若然士多啤梨新地加粒士多啤梨，朱古力新地加片Oreo，賣相就更好睇！
軟雪糕新地
24 views
5 likes
0 comments
巨峰乳酸特飲
因為加咗乳酸，朋友話味道幾清爽，巨峰味亦唔會太「藥水」，又OK喎。
巨峰乳酸特飲
24 views
2 likes
0 comments
冰凍嘅抹茶雪冰絕對醒腦，抹茶味清香唔俗氣，雪冰混有不少紅豆碎，有別一般嘅紅豆粒，整體幾好飲。
日本抹茶紅豆雪冰
54 views
2 likes
0 comments
雜莓雪冰比抹茶紅豆雪冰更醒神，因為唔單只夠冰凍，而且，雜莓嘅酸香味非常明確，雪冰嘅質感亦都打得綿細。
雜莓雪冰
28 views
2 likes
0 comments
招牌嘅鮮奶咖喱咖啡有3款口味：榛子、焦糖、雲呢拿，今次就放棄至愛嘅焦糖味，改飲榛子先。將忌廉跟咖啡攪勻，口感頗柔滑，其實榛子味唔會太突出，不過，晌醇香嘅咖啡中慢慢滲出微微嘅咖喱味，感覺又真喺幾得意 ，夾得嚟唔會有種古怪嘅感覺，值得一試。
榛子鮮奶咖喱咖啡
29 views
4 likes
0 comments
Post
