Video
Read full review
2014-01-05
245 views
多謝食友撘路，很高興有幸出席是晚Maison Eric Kayser Artisan Boulanger Café新店嘅開幕活動，讓小弟對Eric Kayser本人、佢嘅店舖，以及其出品有更多了解。原來貴為法國麵包大師嘅佢，旗下分店已超過100間，分佈全球多個國家和地區，包括歐洲、亞洲、中東、北美，實在唔講得笑。而2012年尾首間香港旗艦店落戶海港城海運大廈之後，2013年中再晌跑馬地開設香港第二分店，繼而今晚再下一城，於半山堅道新開第三分店。海運大廈旗艦店以餐廳為藍本，而跑馬地分店走及新開嘅堅道分店，都走bakery café路線。這夜嘅開幕活動熱鬧非常，讓寧靜嘅堅道一角變得熱烘烘，唔止氣氛熱烘烘，仲有好多熱烘烘嘅麵包。店方嘅產品都幾多元化，範圍廣泛，法式麵包當然喺手本嘢，仲有其他歐陸包、甜酥麵包、鹹甜小食、法式甜點，飲品有咖啡、茶、果汁等等。雖然唔喺樣樣嘢都試到，但當晚店方不斷奉上一盤盤鹹甜美點，不單目不暇給，更喺滋味嚐不停！一晚就能夠試到大師咁多出品，當然超滿足啦，不過，更驚喜喺每位訪客都獲贈一小袋甜點禮品，包括Mini Financier、Madeleine及Macaroon，
海運大廈旗艦店以餐廳為藍本，而跑馬地分店走及新開嘅堅道分店，都走bakery café路線。這夜嘅開幕活動熱鬧非常，讓寧靜嘅堅道一角變得熱烘烘，唔止氣氛熱烘烘，仲有好多熱烘烘嘅麵包。
店方嘅產品都幾多元化，範圍廣泛，法式麵包當然喺手本嘢，仲有其他歐陸包、甜酥麵包、鹹甜小食、法式甜點，飲品有咖啡、茶、果汁等等。雖然唔喺樣樣嘢都試到，但當晚店方不斷奉上一盤盤鹹甜美點，不單目不暇給，更喺滋味嚐不停！
一晚就能夠試到大師咁多出品，當然超滿足啦，不過，更驚喜喺每位訪客都獲贈一小袋甜點禮品，包括Mini Financier、Madeleine及Macaroon，實在喜出望外。
如此厚禮，又豈能獨享？就晌第二日，再晌星巴克買啲三文治，在荃灣街市買嚟嘅免洗水耕沙律菜，加埋朋友帶嚟晌The Dutch買嘅芝士、水餅及私伙紅酒，一齊嚟個早鳥輕怡晚餐，談談天，說說笑，讓我哋兩對夫婦輕鬆渡過一整晚。
Mini Financier $48「Financiers」晌網上你會搵到「法蘭斯」、「費南雪」嘅中文音譯譯名，但亦有人以意譯嚟叫佢做「金磚蛋糕」，因為起源自19世紀法國，流行於一班晌証交所工作嘅金融家，作為烘焙點心；又因為最初被製作成長條形，猶如金磚，所以有叫佢做金磚蛋糕，不過，晌不斷嘅演變，唔單味道，形狀都不再傳統。
一包Mini Financier內有12迷你金磚蛋糕仔，分別有3款口味：原味、開心果及朱古力，體積的的骰骰，啱啱好一啖一粒。無論咩味道，因為加入咗杏仁粉，都帶有少少杏仁清甜，口感較濕潤，風味獨特，個人稍為喜歡朱古力味。
Madeleine $40店方簡單將「Madeleine」譯為「法式小蛋糕」，因為其外形極似貝殼，所以坊間有啲甜品書或餅店譯佢為「貝殼蛋糕」，但小弟就最鍾意配合埋個讀音，譯為「瑪德蓮貝殼蛋糕」，感覺更有雅氣。
一包Madeleine內有4個貝殼蛋糕，每個約為兩根手隻大細，跟Financiers口感有啲相似，只喺相對無咁濕潤，但質感依樣好綿密，富牛油香，其實都有少少甜膩架。
Macaroon ＄$196 / 12件馬卡龍依個譯名都唔使多介紹，因為喺現時較盛行及公認嘅譯名，當晚在餅櫃所見喺賣$196嘅12件裝，而獲贈嘅喺6件裝，估計都喺定價於$98左右。長盒包裝，精簡得體，而內裡6個色彩繽紛嘅馬卡龍，賣相吸引，亦代表咗6款唔同味道。依次為：朱古力（深啡）、咖啡（淺啡）、班蘭（綠色）、紅莓（紅色）、椰子（白色）、檸檬（黃色）。
切過馬卡龍嘅人都知，其實馬卡龍好難切得整齊同靚，一開四「盞」散開晒，所以一開二夫婦二人分享半件啦。綜合大定嘅意見，都覺得佢啲馬卡龍做得相當唔錯，外層唔算好易爆裂，咬落煙煙韌韌。朱古力味屬黑朱古力，所以，朱古力頗濃郁，有點兒甘苦；
咖啡味頗甜，啡味中規矩；
班蘭味，大家研究咗好耐，先食出佢喺蘭班味，驚喜在於裡面加添咗椰絲；
紅莓味，喺預期中嘅酸甜莓香味，幾好味；
椰子味少甜，椰子味甚突出，而且嗒落仲有啲椰絲；
檸檬味，雖然帶有清新檸檬香味，但係另一款頗甜嘅出品。
以上幾款甜點作為今餐便飯嘅甜品，實在令大家夠晒滿意！
Post
