Video
Read full review
2025-01-30
218 views
今日係年初一！屋企人一個禮拜前已經訂定 呢間 悅 嚟食開年飯😋位於銅鑼灣時代廣場13樓的 悅，我哋已經嚟過好多次，幾乎係屋企人嘅飯堂😂蜜汁叉燒肥厚大件多汁，瘦嘅部位都好鬆軟一啲都唔實，半肥瘦就更加好味😋豉油皇 XO醬炒腸粉，係用XO醬加乾瑤柱一齊炒，還有辣椒，香香辣辣好好味😋有大大粒原隻鮮蝦 '招牌蝦餃皇' 蝦好新，裏面係冇肥豬肉架😋然後有竹笙野菌腐皮卷，竹笙同野菌好新鮮，腐皮炸得好脆又唔會硬，而且裏面好少肥豬肉😋百花蒸釀魚肚真係好好味，個魚肚又厚又大件，好啱老人家食，容易入口👍高湯杞子鮮竹卷，個汁唔會好杰，清清地容易入口👍黑魚子豚肉北菇燒賣 呢個真係要讚，出面好多燒賣有好多肥豬肉喺裏面。但係佢喺裏面嘅係瘦肉，唔係肥豬肉👍春風得意腸粉佢裏面嘅油炸鬼係新鮮既，炸得甘香鬆脆，然後用腸粉包住，絕不欺場👍高湯蟹肉罐湯餃 呢個係哥哥嘅至愛，最欣賞佢個皮好完整，裏面好足料👍主角出場：大紅片皮乳豬+層餅🐷🥯好多時食乳豬都係為咗佢塊皮，炸得香香脆脆😋但係佢嘅乳豬唔單只有皮，仲有啖啖肉，點埋甜醬，加埋層餅一齊食就最正👍😋最後壓軸出場係：吊炸脆皮雞一隻🐔真係炸到冇得頂！皮下脂肪只炸得剩下一塊薄薄的雞皮，雞
屋企人一個禮拜前已經訂定 呢間 悅 嚟食開年飯😋
位於銅鑼灣時代廣場13樓的 悅，我哋已經嚟過好多次，幾乎係屋企人嘅飯堂😂
蜜汁叉燒肥厚大件多汁，瘦嘅部位都好鬆軟一啲都唔實，半肥瘦就更加好味😋
豉油皇 XO醬炒腸粉，係用XO醬加乾瑤柱一齊炒，還有辣椒，香香辣辣好好味😋
有大大粒原隻鮮蝦 '招牌蝦餃皇' 蝦好新，裏面係冇肥豬肉架😋
然後有竹笙野菌腐皮卷，竹笙同野菌好新鮮，腐皮炸得好脆又唔會硬，而且裏面好少肥豬肉😋
百花蒸釀魚肚真係好好味，個魚肚又厚又大件，好啱老人家食，容易入口👍
高湯杞子鮮竹卷，個汁唔會好杰，清清地容易入口👍
黑魚子豚肉北菇燒賣
呢個真係要讚，出面好多燒賣有好多肥豬肉喺裏面。但係佢喺裏面嘅係瘦肉，唔係肥豬肉👍
春風得意腸粉
佢裏面嘅油炸鬼係新鮮既，炸得甘香鬆脆，然後用腸粉包住，絕不欺場👍
高湯蟹肉罐湯餃
呢個係哥哥嘅至愛，最欣賞佢個皮好完整，裏面好足料👍
主角出場：大紅片皮乳豬+層餅🐷🥯
好多時食乳豬都係為咗佢塊皮，炸得香香脆脆😋但係佢嘅乳豬唔單只有皮，仲有啖啖肉，點埋甜醬，加埋層餅一齊食就最正👍😋
最後壓軸出場係：吊炸脆皮雞一隻🐔真係炸到冇得頂！
皮下脂肪只炸得剩下一塊薄薄的雞皮，雞肉保留新鮮雞肉味，鮮嫩可口👍👍
然後係，脆炸咕嚕肉
呢碟咕嚕肉嘅特點係，有黑蒜同無花果伴碟，而醬汁係由酸甜醬同蜜糖煮成的，非常可口👍😋
最後當然唔少得甜品啦！
有椰汁馬蹄卷，香煎日本紅豆綠茶軟餅，同蛋白杏仁茶！
三款甜品都唔會太甜，而我最鍾意就係香煎日本紅豆綠茶軟餅，外面係用糯米粉搓成，煙煙韌韌，裏面有熱辣辣嘅紅豆蓉，係必食甜品😋
Post
