Bistro on the Mile

Open Now

Now Closed

首先題外話講一段小插曲！ 話說喺呢餐大年初一晚嘅宵夜自助餐，因為之前驚冇位提早幾日訂攞到75折，到大年初一嗰日，心血來潮再上返訂位嗰個飲食apps睇下情況，竟然係做緊6折優惠，估計可能因為農曆年假期銷情不佳，所以作出調節，當然更加「豬」嘅人都會識得取消之前嗰個訂購再訂過啦!講返主題，呢間酒店自助餐嘅質素從來都有口碑及唔算低，果然宵夜自助餐都有一定保證，同一般中價午市自助餐有得揮！ 海鮮類有蟹腳、龍蝦仔、藍青口，刺身都有幾款，其中吞拿魚嘅質素些微接近「中拖羅」，呢樣真係我意想不到，又或者可能大年初一酒店想做好啲質素掛！ 雖然冇即切燒肉，但係佢肉食係唔少嘅！ 熱葷裏面有燒牛仔肉、德國豬肉腸、 燒雞、燒鴨…… 又有麵檔同埋碗仔翅。 甜品冇乜點試，只係食咗兩杯「哈」字頭雪糕，餘興節目就係坐正絕佳窗口位睇花車巡遊，加上取得極佳折扣，所以呢一餐整體感覺係十分滿意！