道日本料理 (Moved) New Location

「道日本料理」位於大廈街（大窩口邨對面），由大窩口港鐵站行過嚟，大概5－8分鐘 餐廳面積細小，環境乾淨企理，廚房以開放式設計，廚師料理食物情況，全部一目了然，廚房面積較大，堂食位置較少，約只3－4個坐位，餐廳由2個年青廚師主理，食物係即點即做 食品主要有刺身、壽司、卷物、丼飯、小食等，另有8款午市套餐（包飲品、小食一客）可選 蟹籽沙律～雖然是點套餐送嘅，但一點都唔吝嗇，份量都幾多，青瓜絲加上大量蟹籽、沙律醬、蟹柳，一齊食，口感爽甜、清新，真是非常好的前菜 汁燒三文魚飯～有三文魚、蛋、蟹籽、葱花，燒香後的三文魚，魚油相當豐腴，配上微甜的醬汁，微微辛辣香的葱白，珍珠米的軟糯，流心蛋的清香，一齊入口，口感相當豐富美味，跟刺身比較，汁燒又是另一種風味